«Што вы гадасць амерыканскую падсоўваеце?» Лукашэнка загадаў, каб у Мак.by было ўсё беларускае
Яму паведамілі, што са жніўня ўся бульба ў рэстаранах — з Талачына.
«Каб з Mak.by з 1 кастрычніка не было ніводнага кавалка імпартнай бульбы. І катлеты. Там павінна быць беларускае. Што вы гэтую гадасць амерыканскую людзям падсоўваеце?» — сказаў Лукашэнка падчас наведвання Магілёўскай вобласці.
Яму паведамілі, што са жніўня ўся бульба ў Мак.by — з Талачына.
У лістападзе 2022 года стала вядома, што Mcdonald's сыходзіць з беларускага рынку. Яго месца збіралася заняць расійская сетка фастфуду «Вкусно — і точка». Але тады Аляксандр Лукашэнка, каментуючы сыход Mcdonald's, заявіў, што яго месца павінны заняць беларускія прадпрыемствы і вытворцы. Так прыход «Вкусно — і точка» не адбыўся, а экс-Mcdonald's працягнуў працаваць пад незразумелым брэндам «Мы адкрыты». У красавіку 2023 года кампанія «КСБ Вікторы рэстараны» падала заяўку на рэгістрацыю новага гандлёвага знака, пасля чаго сетка рэстаранаў хуткага харчавання змяніла назву на «МАК.by».
Цяпер чытаюць
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай10
Каментары
Две недели назад любил.