Выдаліць тлушч танней, чым павялічыць грудзі.
Паводле справаздачы ISAPS, самыя папулярныя пластычныя аперацыі ва ўсім свеце ў жанчын — ліпасакцыя (выдаленне тлушчу) і мамапластыка (аперацыя на грудзях), у мужчын — блефарапластыка (падцяжка павекаў) і ліпасакцыя. Таксама ў агульным топе апынуліся рынапластыка і абдамінапластыка (аперацыі на носе і жываце адпаведна).
У Беларусі назіраюцца падобныя тэндэнцыі. Да пералічаных працэдур спецыялісты таксама дадаюць атапластыку (карэкцыю вушных ракавін).
Myfinby прыводзіць арыенціровачныя цэны на пластыку ў Беларусі:
1. Блефарапластыка: 2 400 — 3 600 BYN.
2. Мамапластыка: 6 000 — 18 000 BYN.
3. Ліпасакцыя: 1 600 BYN.
4. Рынапластыка: 5 500 BYN.
5. Атапластыка: 1 800 BYN.
Эстэтычныя хірургія ў Беларусі платная, але ёсць і бясплатная пластыка.
«У большасці людзей пластычная хірургія асацыюецца толькі з эстэтыкай: падцяжка твару, павелічэнне грудзей, ліпасакцыя і гэтак далей. Але яна можа быць і рэканструктыўнай, накіраванай на аднаўленне функцый пасля траўмаў і анкалагічных аперацый. З яе дапамогай можна выправіць дэфекты мяккіх тканак, костак, частак цела і г.д. Ёсць і экстраная хірургія, якая працуе з наступствамі траўматычных ампутацый пальцаў, кісцяў, канечнасцяў.
Рэканструктыўная хірургія — як экстраная, так і планавая — для беларусаў бясплатная. Да такіх аперацыях адносіцца і рэканструкцыя грудзей пасля лячэння анкалогіі», — пракаментаваў Myfinby Дзмітрый Ладуцька, загадчык аддзялення мікрасасудзістай і рэканструктыўнай хірургіі МНПЦ хірургіі, транспланталогіі і гематалогіі.
Цяпер чытаюць
Зяленскі: Рэтранслятары на мяжы Беларусі прыпынілі працу61
Каментары