Міжнародны гуманітарны фонд дапамогі ахвярам рэпрэсій расказаў пра сваю дзейнасць
Міжнародны гуманітарны фонд дапамогі ахвярам рэпрэсій у Беларусі (МГФ), створаны для падтрымкі беларускіх палітзняволеных і іх сем’яў, з моманту заснавання прыцягнуў ад васьмі краін-донароў 2 025 408 еўра і ўжо размеркаваў 1 315 970 еўра. Пра гэта паведаміла кіраўніцтва фонду на прэс-канферэнцыі ў Вільнюсе, дзе таксама расказалі пра структуру арганізацыі і адказалі на пытанні журналістаў і актывістаў, піша Reform.news.
Фонд не з’яўляецца юрыдычнай асобай і непасрэдна з фізічнымі асобамі не працуе — гэта нефармальнае аб’яднанне пяці беларускіх праваабарончых арганізацый, прадстаўнікі якіх уваходзяць у кіраўнічы орган. Кіраванне фондам ажыццяўляе Нарвежскі Хельсінкскі камітэт (НХК), які прымае і пералічвае сродкі партнёрам і мае права вета, што дазваляе заблакаваць любое рашэнне фонду.
Сёння ў кіраўнічы орган уваходзяць фонды «Краіна для жыцця», Dissidentby, Bysol, некамерцыйная арганізацыя INeedHelpBY, ініцыятыва Volnyja і НХК. Раней у працы ўдзельнічаў таксама фонд Byhelp, які пакінуў МГФ пасля расследавання НХК, якое выявіла ўцечку даных і адсутнасць агульных пратаколаў па іх абароне.
Фонд мае таксама назіральную раду з прадстаўнікамі міжнародных арганізацый, імёны ўсіх членаў пакуль не раскрываюцца з меркаванняў бяспекі. У будучыні плануецца пашырыць колькасць членаў рады.
Журналістаў цікавіла, чаму ў кіраўнічы орган былі ўключаныя менавіта гэтыя арганізацыі. Прадстаўнікі МГФ адзначылі, што ініцыятарамі стварэння фонду выступілі менавіта гэтыя арганізацыі і Святлана Ціханоўская. Фонд мае працэдуру ўступлення: новыя арганізацыі могуць атрымаць статус гасцявых без права голасу, а пасля праверкі надзейнасці — далучыцца да кіраўнічага органа. На гэты момант адна арганізацыя знаходзіцца на стадыі падпісання кантракту, адна — на разглядзе, тры — на стадыі перамоў.
Падчас прэс-канферэнцыі былі агучаныя фінансавыя паказчыкі дапамогі праз партнёрскія арганізацыі:
- Dissidentby: атрымана — 80 995,75 еўра, выдаткавана — 76 905,75 еўра;
- Volnyja: атрымана — 0 еўра;
- «Краіна для жыцця»: атрымана — 141 696,89 еўра, выдаткавана — 109 745,41 еўра;
- INeedHelpBY: атрымана — 65 083,5 еўра, выдаткавана — 59 730 еўра;
- Bysol: атрымана — 401 735,18 еўра, выдаткавана — 354 735,18 еўра.
Кожная арганізацыя мае сваю спецыялізацыю і існуе сістэма абароны ад двайнога фінансавання аднаго і таго ж кейса. Bysol працягвае працаваць у кіраўніцтве МГФ, аднак Андрэй Стрыжак адлучаны ад кіраўнічых і прадстаўнічых функцый у выніку расследавання, якое працягваецца да 11 верасня.
Кіраўніцтва фонду таксама запрашае ўсе праваабарончыя арганізацыі далучацца да працы МГФ і, пасля праверкі надзейнасці, увайсці ў кіраўнічы орган.
«У фондзе цяпер € 1,2 млн». У АПК адказалі на крытыку наконт браку грошай для палітвязняў
На дапамогу ахвярам рэпрэсій у Беларусі еўрапейцы выдзелілі больш за 2,4 мільёна еўра
Зазулінская: Сродкаў на прыняцце 1300 палітвязняў можа не хапіць
«Некаторым людзям варта зняць ружовыя акуляры». Лявончык — пра Мельнікаву, уцечку ў «Байхэлп», белыя паліто і грошы на 1300 палітвязняў
Лявончык патлумачыў, чаму рассварыўся з Зазулінскай
Цяпер чытаюць
Аляксандр Лукашэнка так ляснуўся на лёд на хакеі, што трыбуны замерлі ВІДЭА123
Аляксандр Лукашэнка так ляснуўся на лёд на хакеі, што трыбуны замерлі ВІДЭА
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher55
Каментары