Паводле афіцыйных крыніц, у выніку сыходу з рэек фунікулёра «Глорыя» загінулі не менш за 15 чалавек. Яшчэ 18 атрымалі траўмы, сярод іх пяцёра ў цяжкім стане і адно трохгадовае дзіця, якое не мае сур’ёзных пашкоджанняў, паведамляе CNN Portugal.
Брыгада крымінальных расследаванняў жандармерыі і Міністэрства юстыцыі распачалі следства па вызначэнні прычын аварыі. Урад Партугаліі абвясціў агульнанацыянальны жалобны дзень, а гарадскія ўлады Лісабона — муніцыпальны. Прэзідэнт краіны Марсэлу Рэбэлу дэ Соўза і ўрад выказалі спачуванне сем’ям пацярпелых і паабяцалі, што ўсе неабходныя расследаванні будуць праведзены своечасова.
Кампанія Carris, якая кіруе фунікулёрам, адзначыла, што ўсе рэгулярныя і міжквартальныя рамонтныя работы былі праведзеныя своечасова, апошнія — у 2024 годзе. Кампанія таксама адкрыла ўласнае расследаванне разам з уладамі для ўстанаўлення дакладных прычын трагедыі.
Сведкі расказалі, што фунікулёр перад ударам раптоўна страціў кіраванне. Паводле інфармацыі выдання Observador са спасылкай на ратавальнікаў, прычынай аварыі стаў абарваны трос у канструкцыі фунікулёра.
Фунікулёр «Глорыя» — адзін з сімвалаў Лісабона, здольны перавозіць да 42 чалавек, ён вельмі папулярны сярод турыстаў.
Масавыя арышты афіцэраў прайшлі на авіябазе ў Мачулішчах — абвінавачваюць у сувязях з апазіцыяй43
Каментары