З 1 кастрычніка мяняецца парадак разліку за жыллёва-камунальныя паслугі для людзей, не занятых у эканоміцы
Павышаная плата за жыллёва-камунальныя паслугі будзе прымяняцца да ўсёй плошчы кватэры, якая належыць не занятаму ў эканоміцы, а не прапарцыйна колькасці пражываючых.
Такія змены ўнесены ў інструкцыю аб разліках у сферы жыллёва-камунальнай гаспадаркі, распавяла намеснік начальніка ўпраўлення Мінжылкамгаса Анастасія Маліноўская на прэс-канферэнцыі ў Нацыянальным прэс-цэнтры, паведамляе Reform.news.
Адпаведная пастанова Савета міністраў уступае ў сілу з 1 кастрычніка.
«Найбольш істотныя змены закранулі сёння падыходы да налічэння платы за жыллёва-камунальныя паслугі, некаторыя камунальныя паслугі ў дачыненні да жылых памяшканняў, якія належаць грамадзянам, не занятым у эканоміцы. Калі сёння і, адпаведна, да 1 кастрычніка года, налічэнне платы ў дачыненні да жылых памяшканняў, якія належаць грамадзянам, не занятым у эканоміцы, ажыццяўляецца ў першую чаргу ў выпадку, калі такія грамадзяне зарэгістраваныя ў кватэрах, што ім належаць, і прапарцыйна колькасці грамадзян.
Напрыклад, кватэра 60 квадратных метраў належыць грамадзяніну, не занятаму ў эканоміцы, і ён у гэтай кватэры зарэгістраваны па месцы жыхарства, і разам з ім пражываюць яшчэ два грамадзяніны, адпаведна, напрыклад, паслуга цеплазабеспячэння налічвалася б прапарцыйна колькасці пражываючых. То бок, 60 квадратаў дзелім на траіх. Атрымаецца, у дачыненні да адной трэці, або 20 квадратаў, прымяняліся б павышаныя тарыфы, адпаведна, астатнія 40 квадратаў — па субсідаваных тарыфах.
З 1 кастрычніка 2025 года, у выпадку, калі грамадзянін трапіў у спіс грамадзян, не занятых у эканоміцы, і ён з’яўляецца ўласнікам кватэры, прычым незалежна ад іх колькасці (адна, дзве ці больш), у дачыненні да ўсіх кватэр, у дачыненні да ўсяго аб’ёму спажываемых паслуг цеплазабеспячэння, гарачага водазабеспячэння, падагрэву вады і газазабеспячэння будуць прымяняцца эканамічна абгрунтаваныя тарыфы», — пракаментавала Маліноўская.
Цяпер чытаюць
Мінскі школьнік праспаў прыпынак. Але кіроўца аўтобуса давёз яго дадому!1
Мінскі школьнік праспаў прыпынак. Але кіроўца аўтобуса давёз яго дадому!
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку2424
Каментары