У Беларусі колькасць даўжнікоў за жыллёва-камунальныя паслугі не перавышае 10% ад усіх плацельшчыкаў. Пра гэта на прэс-канферэнцыі паведаміла прадстаўніца Мінжылкамгаса Анастасія Маліноўская.
Паводле слоў чыноўніцы, беларусы ў асноўным сумленна аплачваюць «камуналку», а калі і ўзнікаюць запазычанасці, то звычайна на кароткі час — да трох месяцаў, пасля чаго іх пагашаюць.
Што да выселенняў за даўгі, то ў міністэрстве нагадалі: такая норма ёсць у Жыллёвым кодэксе, але яна лічыцца выключнай і выкарыстоўваецца вельмі рэдка. Асноўны спосаб уплыву на даўжнікоў — пеня ў памеры 0,3% за кожны дзень пратэрміноўкі. Звычайна гэтага хапае, каб людзі вярталі грошы.
Калі ж запазычанасць не аплачваецца, то яе могуць спагнаць праз выканаўчы надпіс натарыуса або праз суд.
Цяпер чытаюць
Беларуска распачала чэлендж «40 спатканняў», але ўжо на сярэдзіне не хавае расчаравання ў мужчынах25
Каментары