У Непале людзі масава выйшлі пратэставаць супраць забароны сацсетак, паліцыя расстраляла дэманстрацыю
У сталіцы Непала Катманду 8 верасня выбухнулі крывавыя пратэсты пасля таго, як улады краіны заблакавалі 26 сацыяльных сетак, у тым ліку Instagram, Facebook, YouTube і X. Забарона закранула найперш моладзь, таму СМІ ўжо назвалі пратэсты «паўстаннем пакалення Z», паведамляе Reuters.
На мінулым тыдні ўлады Непала заблакавалі шэраг папулярных сацсетак, якія адмовіліся праходзіць дзяржаўную рэгістрацыю. Пад забарону трапілі Facebook, X, YouTube і іншыя. Афіцыйнай прычынай назвалі «барацьбу з махлярствам».
Паколькі інтэрнэтам у краіне карыстаюцца каля 90% насельніцтва (з 30 мільёнаў чалавек), рашэнне закранула амаль усіх. Гэта выклікала масавыя пратэсты моладзі і студэнтаў, якія атрымалі назву «паўстанне пакалення Z». Дзясяткі тысяч выйшлі на вуліцы з лозунгамі «Закрыйце карупцыю, а не сацсеткі» і «Разблакуйце сеткі». Яны паспрабавалі прарвацца да парламента.
Паліцыя ўжыла слезатачывы газ, вадзяныя гарматы, гумовыя кулі і нават баявыя патроны. Паводле паведамленняў СМІ, загінулі не менш за 14 чалавек, яшчэ больш за 50 былі параненыя, але афіцыйна гэтыя даныя пакуль не пацверджаныя.
Цяпер ва ўрадавым квартале Сінгха Дурбар уведзены каменданцкі час, любыя сходы і дэманстрацыі забароненыя. Для падтрымкі паліцыі ў горад увялі армію.
Памятаеце пару студэнткі і выкладчыка духоўнага вучылішча, які старэйшы за яе на 31 год? Яны разбегліся3
Памятаеце пару студэнткі і выкладчыка духоўнага вучылішча, які старэйшы за яе на 31 год? Яны разбегліся
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну77
Каментары