Грамадства22

Палітвязень расказаў, што цяпер з Фядутам і Паротнікавым у калоніі

Былы палітвязень Вячаслаў Лазараў расказаў «Нашай Ніве» пра стан Аляксандра Фядуты і Андрэя Паротнікава, якія знаходзяцца за кратамі ў 15‑й калоніі.

Аляксандр Фядута і Андрэй Паротнікаў. Фота: spring96.org

Палітолагі Аляксандр Фядута і Андрэй Паротнікаў адбываюць тэрмін у магілёўскай ПК-15, дзе яшчэ некалькі дзён таму знаходзіўся віцебскі журналіст Вячаслаў Лазараў. Вячаслаў аказаўся адным з палітвязняў, якія былі вызваленыя і гвалтоўна вывезеныя ў Літву 11 верасня.

Фядуту затрымалі ў красавіку 2021‑га і асудзілі на 10 гадоў зняволення па абвінавачванні ў змове з мэтай дзяржперавароту. Паротнікаў, акрамя аналагічнага абвінавачвання, быў асуджаны яшчэ па чатырох артыкулах, у тым ліку па абвінавачванні ў здрадзе дзяржаве. Прысуд — тыя ж 10 гадоў.

Апеляцыю Паротнікава разгледзелі ў сакавіку 2025-га, то-бок мужчына знаходзіцца ў калоніі ўсяго некалькі месяцаў. Лазараў кажа, што Паротнікаў паводзіць сябе ў калоні асцярожна і не парушае тамтэйшыя правілы. І тым не менш, ён ужо апынуўся пад прэсінгам:

«Ідзе ціск, і я так разумею, што гэта нават не з боку адміністрацыі калоніі, а [ёсць загад] недзе зверху. Спачатку яго першы раз пасадзілі ў ШІЗА, а потым, праз невялічкі прамежак часу, зноў па нейкай надуманай нагодзе пасадзілі ў ШІЗА на 15 сутак. І літаральна перад вызваленнем мы даведаліся, што яму далі яшчэ два месяцы ПКТ».

Што датычыць Аляксандра Фядуты, ён, як кажа Лазараў, трымаецца добра, хаця і мае праблемы з сэрцам:

«Перасоўваецца з кійком, яму пастаянна дапамагае нехта з хлопцаў. Жартуе, трымаецца бадзёра і яшчэ падтрымлівае хлопцаў.

Калі былі памілаванні, ён звяртаўся да ўсіх — маўляў, не турбуйцеся, пішыце [прашэнні] на памілаванне, галоўнае выйсці на волю, а ў мяне такой магчымасці проста няма».

Калі з'явіліся заявы Трампа пра вызваленне беларускіх палітвязняў, з'явіўся шанс, што могуць вызваліць і Фядуту, лічыць Вячаслаў:

«Калі з ім гутарылі апошні раз, ён з сумам казаў — перажывае, што не застанецца ў Беларусі, і будзе не пры справах недзе за мяжой. Перажывае за сваіх блізкіх. Бачна, што ў вачах цяпліцца надзея, бо ўжо колькі гадоў ён сядзіць.

Гэта гонар Беларусі, чалавек, з якім цікава пагутарыць».

«Наша Нiва» — бастыён беларушчыны

ПАДТРЫМАЦЬ

Каментары2

  • Камсамольскі працаўнік
    13.09.2025
    Не ведаў, што камсамольская наменклатура, якая была ў камандзе лукашэнкі стане гонарам Беларусі.
    Фядута сядзіць за кгбэшны спектакль пра змову дзяржпераварота.
  • 3% у міня
    13.09.2025
    Этаму Федуце нужна была ідці в паліціку. Учыл бы сібе дзіцей в школе і сіводня.

Цяпер чытаюць

Від на Каложскую царкву безнадзейна сапсаваны21

Від на Каложскую царкву безнадзейна сапсаваны

Усе навіны →
Усе навіны

Правакацыя з вялікай колькасцю ахвяр і абвінавачваннем Украіны. Стала вядома, якую правакацыю рыхтавалі на польска-расійскай мяжы7

Амерыканка пабіла рэкорд беларускі па кручэнні ў паветры на ўласных валасах

Забраў ката ў мяшку. Чаму беларус не змог вярнуць тавар у пункт выдачы заказаў?

«Зарабіў 1200, потым прыйшоў штраф на 1000». Беларусы дзеляцца ўмовамі працы на складзе Wildberries у «Вялікім Камені»12

Рада дырэктараў Nvidia не мае намеру вяртаць Джэнсэна Хуанга на пасаду генеральнага дырэктара1

Статкевіч пра Ціханоўскага: Ты патрэбны Беларусі. Вяртайся да сябе хутчэй, герой57

Ці нападалі мядзведзі ў Беларусі на людзей?1

Мігранты ўсё радзей едуць у багатыя краіны. І гэта можа стаць праблемай для тых краін10

Навукоўцы прыдумалі аднаразовыя кубачкі для кавы без кроплі пластыку2

больш чытаных навін
больш лайканых навін

Від на Каложскую царкву безнадзейна сапсаваны21

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць