Расійскі сенатар Джабараў пагражае Польшчы новым падзелам: «наступае на старыя граблі»
Першы намеснік кіраўніка камітэта Савета Федэрацыі па міжнародных справах Уладзімір Джабараў, заявіў, што ўлады Польшчы агрэсіўнай русафобскай палітыкай і заявамі «наступаюць на старыя граблі» і рызыкуюць ізноў прывесці краіну да страты дзяржаўнасці і падзелу.
«Польшча і так заўсёды была несяброўскай краінай у дачыненні да Расіі і Беларусі. А цяпер з-за сваёй русафобіі асобныя польскія палітыкі зусім страцілі страх. Яны зноў наступаюць на старыя граблі. Калі Польшча працягне «глядзець на Усход», абвінавачваючы яго ў разнастайных пагрозах польскай дзяржаўнасці, не выключана, што яна зноў перажыве падзел, як гэта было не раз у яе гісторыі», — напісаў Джабараў у тэлеграм-канале.
Ветэран ФСБ Джабараў рэгулярна выказваецца на расійскіх тэлеканалах, часта — з рэзкімі антызаходнімі і антыўкраінскімі заявамі. Ён адзін з «галасоў» Савета Федэрацыі па знешнепалітычных пытаннях.
Каментары
Але ёсць генералы, што сідзяць на грошах, нафце з газам, і па сутнасці галоўныя алігархі ў краіне (покуль не раззлуюць убер-сцерха)
А ёсць генералы, у якіх праца - цяўкаць у эфір і там мець у якім банку заробак дырэктара па сувязах з дзяржавай. Бо яны гэтым самым займаліся на службе: казалі правільныя прамовы, дапытвалі інтэлігентаў і студэнтаў ды атрымлівалі заробоак