У Маскве затрымалі кіроўцу, які ездзіў на беларускіх нумарах з лічбай «дзевяць»
Расійская дзяржаўтаінспекцыя аператыўна адрэагавала на інфармацыю ад калег з Беларусі, што па Маскве можа рухацца красовер з падробленымі рэгістрацыйнымі знакамі, падобнымі на беларускія.
Супрацоўнікі выявілі аўтамабіль і спынілі яго на Яраслаўскай шашы, паведамляе прэс-служба МУС.
За рулём знаходзіўся жыхар Масквы 1972 года нараджэння. У дачыненні да яго складзены пратаколы аб адміністрацыйных правапарушэннях па арт. 12.2 і 12.6 КаАП РФ. Падробленыя рэгістрацыйныя знакі канфіскаваны.
Кіроўцу пагражае пазбаўленне права кіравання транспартнымі сродкамі на тэрмін ад шасці месяцаў да года.
Днямі ў інтэрнэце з'явілася відэа, знятае ў Маскве. На ім быў аўтамабіль з лічбай «дзевяць» на беларускіх нумарах.
Аўтар роліка звярнуў увагу на незвычайную дэталь — лічбу 9 напрыканцы дзяржнумара, якая абазначае рэгіён рэгістрацыі, такога ў Беларусі няма.
У прэс-службе МУС пракаментавалі сітуацыю: «Міністэрства ўнутраных спраў афіцыйна заяўляе: у нашай краіне не выдаюцца рэгістрацыйныя знакі транспартных сродкаў з кодам рэгіёна «9». Нагадаем: падробка рэгістрацыйнага (нумарнога) знака транспартнага сродку з мэтай эксплуатацыі або збыту транспартнага сродку цягне за сабой крымінальную адказнасць».
Таксама паведамлялася, што работнікамі ДАІ адпраўлена адпаведная інфармацыя калегам у Расію для рэагавання.
Цяпер чытаюць
Як рыхтаваўся візіт Ціханоўскай у Кіеў і чаму ён некалькі разоў пераносіўся7
Каментары