У Мазыры здымаюць «чысты» серыял — без гвалту, алкаголю і пошласці. Уся здымачная група і акцёры — мясцовыя жыхары
Серыял пад назвай «Любіце, пакуль любіцца!» стаў падзеяй для рэгіёна: на здымачную пляцоўку прыходзяць сем’ямі, распавядае мясцовы канал.
У Мазыры здымаюць серыял без прафесійных акцёраў, паведамляе тэлеканал «Мазыр». Уся здымачная група складаецца са звычайных жыхароў горада.
Аўтарка праекта — рэжысёрка, сцэнарыстка і прадзюсарка Валянціна Герасімава — вярнулася з Партугаліі, дзе даўно жыве, на радзіму.
Як адзначае Герасімава, гэта будзе «чысты» фільм — без сцэн гвалту, алкаголю і пошласці.
«У нас няма курэння, алкаголю, насілля, пошласці і іншага», — адзначыла ў інтэрв'ю мазырскім тэлевізіёншчыкам Валянціна Герасімава.
У цэнтры сюжэту — гісторыя кахання і прыгажосці паўсядзённага жыцця, знятая сярод знаёмых месцаў у Мазыры.
Валянціна кажа, што сцэнарый карціны дагэтуль не дапісаны праз неверагодную папулярнасць серыяла ў мясцовых жыхароў. Мазыране даведваюцца з тыктоку або ад сяброў пра здымкі і просяцца на пляцоўку цэлымі сем'ямі.
Валянціна не адмаўляе — так у фільме з'яўляецца ўсё больш акцёраў.
Прэм’ера «Любіце, пакуль любіцца!» запланавана на 2026 год. Пабачыць серыял можна будзе на YouTube.
«Беларусь перадусім». Што вядома пра 23‑гадовага афіцэра спецназа, якога асудзілі на 19 гадоў за «здраду дзяржаве»8
Каментары