Прэс-служба Беларускай чыгункі паведаміла, што з 20 па 31 кастрычніка 2025 года на аб’ектах чыгуначнага транспарту будзе праводзіцца ўзмоцнены кантроль бяспекі. Мерапрыемства арганізуюць сумесна з міліцыяй напярэдадні восеньскіх канікул у школах, якія пачнуцца 2 лістапада і працягнуцца да 9 лістапада.
Мэтай акцыі заяўляецца папярэджанне няшчасных выпадкаў з удзелам непаўналетніх на чыгунцы. У гэтыя дні міліцыя правядзе прафілактычныя рэйды на вакзалах, станцыях і ў цягніках. Асаблівую ўвагу сілавікі будуць звяртаць на дзяцей і падлеткаў, якія знаходзяцца без нагляду дарослых паблізу чыгункі. З імі будуць праводзіцца тлумачальныя гутаркі, раздавацца памяткі і буклеты з правіламі бяспечных паводзін.
Акрамя гэтага, міліцыянеры наведаюць школы і прадпрыемствы, размешчаныя каля чыгуначных пуцей, каб нагадаць пра небяспеку і правілы іх перасячэння.
Паводле афіцыйных даных БЧ, з пачатку 2025 года ўжо адбылося 8 няшчасных выпадкаў з дзецьмі, пяць з якіх скончыліся смерцю. Найчасцей трагедыі адбываюцца праз навушнікі, калі падлеткі не чуюць падыходзячы цягнік, спробу зрабіць сэлфі ў небяспечных месцах або перабяганне пуцей у забароненых зонах.
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім4
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі1010
Каментары
У наc в Вене катались на крышах электрички, в реанимацию попали.