Гродзенскія лялечнікі паставілі душэўны спектакль. У Вільні ён прайшоў з аншлагам
«Сумны суп» — прыклад добрага прафесійнага спектакля. І гэта вельмі істотна ў сітуацыі, калі агульны ўзровень, на жаль, зніжаецца, піша ў фэйсбуку журналіст і тэатрал Дзяніс Марціновіч.
У суботу ў фармаце фестывалю «Прадмова» паказалі спектакль «Сумны суп». Яго прывёз тэатр з Беластоку «Прыехалі», які стварылі гродзенскія лялечнікі. Гэта цудоўная ідэя — паказаць падчас літаратурнага фестывалю тэатральны праект. Прычым не абы які, а запатрабаваны.
Пакуль на асноўнай пляцоўцы ішлі свае імпрэзы, у Беларускім музеі Луцкевіча назіраўся аншлаг. Бачна, што ў Вільні існуе попыт на дзіцячыя спектаклі (у тым ліку, беларускамоўныя).
«Сумны суп» створаны на аснове аднайменнага твору Вольгі Гапеевай. Зрэшты, з кнігі, якую я пагартаў ужо пасля спектакля, узята толькі першая гісторыя — уласна пра суп. Астатнія, відаць, з іншых твораў пісьменніцы.
На «сцэне» — памяшканне для паказаў спецыяльна не прыстасаванае, але выкарыстоўвацца добра, — два акцёры: Александр Енджыеўскі і Настасся Суханосік. Іх героі захрасаюць ў ліфце і ў чаканні дапамогі пачынаюць разыгрываць гісторыі, пераўвасабляючыся ў самых разнастайных героў. Гэта зроблена вынаходліва і арыгінальна.
Акцёры добра трымаюць увагу аўдыторыі, узаемадзейнічаючы як з дарослымі, так і з дзецьмі. Прычым па-майстэрску пераключаючы ўвагу з адных на другіх — сумаваць нікому не даводзіцца. Нават тэмы, якія апошнім часам на слыху, гучаць мінімальна, на іх не робіцца акцэнт.
Гэта прыклад добрага прафесійнага спектакля. І гэта вельмі істотна ў сітуацыі, калі агульны ўзровень, на жаль, зніжаецца.
Для дзяцей жа гэта магчымасць пачуць і атрымаць правільны меседж пра тое, што трэба захоўваць свою адметнасць і індывідуальнасць, не трэба рабіцца часткай натоўпу, а сітуацыю заўжды магчыма змяніць.
Наста Базар паступіла на праграму Каліноўскага і хоча стаць сацыялагіняй: «Вучоба пасля 40 гадоў — своеасаблівы эліксір маладосці»
Гамяльчанка пацікавілася, чаму з абласнога тэатра не здымаюць чырвона-зялёны дэкор, хаця святы мінулі — і тут панеслася
«Пераапрануўся ў амапаўца і дырыжыраваў чорнай дубінкай». Адзін з заснавальнікаў «Вольнага хору» — пра акцыі ў гандлёвых цэнтрах у 2020‑м і працу ў філармоніі ў Літве
Цяпер чытаюць
Загінуў былы палітвязень Аляксей Ляўкевіч. Яго вызвалілі тры месяцы таму пасля візіту Коўла3
Загінуў былы палітвязень Аляксей Ляўкевіч. Яго вызвалілі тры месяцы таму пасля візіту Коўла
Пасол Украіны па пытаннях Беларусі адказаў на дыскусію Вячоркі і крытыкаў Ціханоўскай: Ваша ўзаемная непрымальнасць адыгрывае вельмі неканструктыўную ролю4545
Каментары