Мядзведзеў пра Трампа: Гаваркі міратворац цяпер паўнавартасна стаў на сцежку вайны з Расіяй
Намеснік старшыні Рады бяспекі РФ Дзмітрый Мядзведзеў рэзка пракаментаваў рашэнне прэзідэнта ЗША Дональда Трампа адмяніць запланаваны саміт з Уладзімірам Пуціным у Будапешце, а таксама ўвядзенне Вашынгтонам новых санкцый супраць Расіі.
«Адмена Трампам саміту ў Будапешце.
Новыя санкцыі супраць нашай краіны з боку ЗША.
Што яшчэ? Будзе новая зброя, акрамя славутых «Тамагаўкаў»?
Калі ў кагосьці са шматлікіх каментатараў яшчэ захоўваліся ілюзіі — атрымайце. ЗША — наш праціўнік, а іх гаваркі «міратворац» цяпер паўнавартасна стаў на сцежку вайны з Расіяй. Так, ён пакуль не заўсёды актыўна ваюе на баку бандэраўскага Кіева, але гэта цяпер ягоны канфлікт, а не маразматыка Байдэна! Будуць, вядома, казаць, што ён не мог інакш, на яго ціснулі ў Кангрэсе і інш. Гэта не адмяняе галоўнага: прынятыя рашэнні — гэта акт вайны супраць Расіі. І цяпер Трамп цалкам салідарызаваўся з шалёнай Еўропай», — напісаў Мядзведзеў.
Намеснік старшыні Рады бяспекі РФ бачыць у новым павароце паводзін Трампа плюс: «можна біць самай рознай зброяй па ўсіх бандэраўскіх нычках без аглядкі на непатрэбныя перамовы».
«І дамагацца перамогі менавіта там, дзе яна толькі і магчымая. На зямлі, а не за канцылярскім сталом. Знішчаючы ворагаў, а не заключаючы бессэнсоўныя «здзелкі», — заклікае Мядзведзеў.
-
Швейцарыя выступіла супраць абмежавання колькасці насельніцтва
-
Эпатажны спявак Oliver Tree і яшчэ пяць чалавек загінулі ў Бразіліі пасля сутыкнення верталётаў
-
Пуцін павіншаваў Трампа з 80‑годдзем і заявіў, што чакае Зяленскага ў Маскве. Крэмль сцвярджае, што прэзідэнт ЗША паабяцаў уздзейнічаць на Кіеў
Каментары