Нарада ў Віцебску 24 кастрычніка адзначылася шэрагам драматычных заяваў.
24 кастрычніка Лукашэнка інспектаваў Віцебскую вобласць — на нарадзе з чыноўнікамі ён шмат крытыкаваў мясцовае кіраўніцтва.
«Сумна, але ў Віцебскай вобласці не ўсе мяне пачулі, — сказаў Лукашэнка. — Мы аналізуем сітуацыю ў вобласці. Яна сумная. Яна горш, чым дзе-небудзь, і нават па тых пытаннях, якія для мяне замежавыя і непрымальныя, як пагібель жывёлы, — у вас 140% рост да ўзроўню мінулага года. Гэта для мяне непрымальна», — сказаў Лукашэнка.
Расказаў і пра тое, як супрацоўнікі КДБ і КДК збіралі для яго інфармацыю, чым «дыхае народ».
«Але не тое, што там у тыктоках квокаюцца і токаюцца — гэта я з памочнікамі прачытаю — а тое, што не чуваць, не відаць. У іх адмысловыя метады. І калі ён мне далажыў вось гэтае на некалькіх старонках… Ну, асобна ўзялі. Мне стала кепска наогул», — сказаў ён на нарадзе.
Палітык дадаў, што пабачыў найжахлівейшую сітуацыю ў Віцебскай вобласці: «п’янства, безадказнасць». Прычым, «там унізе», на ўзроўні самага простага народу.
«Я толькі што сказаў: ад страху, калі патрабуеш і іншае, а не дай бог, дзе-небудзь пабудзе ў месцах не так аддаленых — залаты чалавек. Залаты чалавек! Паверце, я назіраю за гэтым, толькі і ведаю: адзін прыйшоў, папрасіў таго адпусціць, ён будзе там працаваць, трэці, пяты — горы вернуць. Усе могуць! Але чаму вы не робіце гэта ў спакойным рэжыме?»
І прыгразіў мясцовым чыноўнікам:
«Мне хацелася б з вамі працаваць па-добраму. Але з вамі немагчыма працаваць па-добраму, калі ты бачыш, што адбываецца».
Асобна ён даручыў да 1 студзеня навесці ў АПК Віцебскай вобласці жалезны парадак.
«Я не прыехаў у Віцебскую вобласць, каб вас запалохаць. Мы з вамі 30 гадоў працуем, вы ведаеце мае падыходы. Калі вы мяне не зразумелі, падманулі — усё будзе ўзмоцнена да крайнасці», — заявіў ён.
«У сына на тэлефоне былі налепленыя сцяг і герб Расіі. З гэтага ўсё пачалося». Бацька школьніка з Баранавіч расказаў, як яго сына цкавалі аднакласнікі40
Каментары