У Чашніцкім раёне мужчына катаваў жонку брата і пагражаў яе забіць
Як паведамляе Следчы камітэт, 22 кастрычніка 59‑гадовы жыхар Чашніцкага раёна прымаў у гасцях 47‑гадовую жонку брата. Яны разам выпівалі, а калі алкагольныя напоі скончыліся, пайшлі працягваць дахаты да жанчыны. І там паміж сваякамі ўзнік канфлікт.
Фота: Следчы камітэт
Падчас канфлікту мужчына стаў збіваць жанчыну, душыць яе рамянём, звязаў рукі і ногі провадам ад падаўжальніка і пагражаў ёй, нават падпальваючы адзенне жанчыны.
Урэшце ёй удалося ўцячы да суседа і патэлефанаваць у міліцыю. Мужчына ў гэты час хаваўся ў кустах побач з населеным пунктам, дзе быў знойдзены спячым.
Раней ён ужо прыцягваўся да крымінальнай адказнасці, а цяпер знаходзіцца пад вартай. Следчыя працягваюць высвятляць усе абставіны здарэння.
Цяпер чытаюць
Што вядома пра Максіма Палянскага і Мікалая Свірыдава — беларускіх альпіністаў, якія зніклі ў гарах Кыргызстана2
Каментары