Прэзідэнт ЗША Дональд Трамп адправіў у раён берагоў Венесуэлы вялікую вайсковую групоўку — каля 16 тысяч чалавек, паведамляе The Washington Post. У склад сіл уваходзяць восем баявых караблёў, атамная падлодка, авіяцыя, у тым ліку стратэгічны бамбавоз B-52 і знішчальнікі F-35. Таксама ў Карыбскі басейн накіраваны авіяносец Gerald R. Ford з пяццю караблямі суправаджэння.
Такое ўзмацненне амерыканскай прысутнасці ў рэгіёне, паводле інфармацыі выдання, можа сведчыць пра падрыхтоўку Вашынгтона да пашырэння ваенных аперацый і павышае рызыку напружання ў адносінах з Каракасам.
Афіцыйна Белы дом тлумачыць гэтыя дзеянні барацьбой з наркатрафікам. Разгортванне групоўкі было абвешчана 24 кастрычніка, у той жа дзень ЗША ўвялі санкцыі супраць прэзідэнта Калумбіі Густава Петра.
Некаторыя амерыканскія СМІ паведамлялі, што адміністрацыя ЗША нібыта дазволіла магчымыя ўдары па вайсковых аб’ектах Венесуэлы, але Трамп публічна гэта абверг.
Паводле дакументаў, да якіх атрымала доступ The Washington Post, прэзідэнт Венесуэлы Нікалас Мадура звярнуўся па дапамогу да Расіі, Кітая і Ірана. Ён папрасіў у Масквы пастаўкі зенітных комплексаў, рамонт знішчальнікаў Су-30, радараў і рухавікоў, а таксама лагістычную падтрымку. У Кітай і Іран Мадура накіраваў просьбы аб супрацоўніцтве ў сферы вайсковых тэхналогій — пастаўкі дронаў, сістэм GPS-глушэння і сродкаў выяўлення.
Цяпер чытаюць
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?13
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары