Беларусь у рэйтынгу не разглядалі, але ацанілі ўзровень жыцця пенсіянераў у Польшчы, Літве і Расіі.
Штогод кампанія Natixis Investment Managers праводзіць дэталёвае даследаванне і складае глабальны індэкс пенсійнага забеспячэння, у якім публікуе рэйтынг найлепшых краін свету для пенсіянераў.
На аснове даных Сусветнага банка, МВФ і афіцыйнай статыстыкі шэрагу краін складальнікі рэйтынгу ацэньваюць самыя розныя параметры жыцця пенсіянераў: цэны на прадукты і жыллё, доступ да якасных фінансавых і медыцынскіх паслуг, памер пенсіі, піша Myfin.
Першае месца ў спісе з 44 дзяржаў займае Нарвегія. На другой пазіцыі знаходзіцца Ірландыя, а на трэцяй — Швейцарыя.
У топ-10 найлепшых краін для пенсіянераў па версіі Natixis таксама ўвайшлі:
- Ісландыя;
- Данія;
- Нідэрланды;
- Аўстралія;
- Германія;
- Люксембург;
- Славенія.
Беларусь складальнікі рэйтынгу не разглядалі, а вось краіны-суседзі ў спісе ёсць. Польшча размясцілася на 28‑й пазіцыі, Літва — на 30-й, Латвія — на 34-й, Расія — на 36-й.
Цяпер чытаюць
Мінчанка Ангеліна, якая прасіла ў Лукашэнкі кватэру за тройню, атрымала жыллё18
Мінчанка Ангеліна, якая прасіла ў Лукашэнкі кватэру за тройню, атрымала жыллё
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1111
Каментары