Лукашэнка прапануе зрабіць платным лячэнне для беларусаў, якія прыязджаюць з-за мяжы
«Мы табе вырвем і зуб, што заўгодна. Але толькі за твой кошт».
На ўрачыстай цырымоніі адкрыцця абноўленага моста ў Мазыры праз раку Прыпяць Аляксандр Лукашэнка загаварыў пра ад'езд работнікаў за мяжу, піша БелТА.
«Прадпрыемстваў у нас хапае. Ёсць дзе можна працаваць. Хачу публічна папярэдзіць начальнікаў: якое б у вас ні было прадпрыемства — стратнае, закінутае — памірайце, але людзям заробак заплаціце. Гэта — галоўнае. Калі мы не будзем плаціць нармальны заробак — мы будзем губляць людзей», — сказаў ён.
Ён адзначыў, што, напрыклад, у Расіі цяпер ёсць патрэба ў працоўных рэсурсах і частка людзей можа паехаць на заробкі туды. Хтосьці паехаў у заходнім напрамку.
«У нас у Польшчу з’ехала 10—12 тыс. чалавек. Хаця, кажуць, мільён з’ехаў. Няважна, колькі. А зуб лячыць яны едуць у Гродна. А чаму? Таму што тут бясплатна. Бясплатна нічога не бывае. Гэта бюджэт — дзяржава плаціць за вас. Таму і тут будзе прынята рашэнне», — сказаў Лукашэнка.
«Паехаў, ты шукаеш добрае месца, дзе зарабіць, — правільна, перашкаджаць не будзем. Асабліва калі ты едзеш у Расію. Але ты, атрымаўшы добрыя грошы, сюды прыязджай, заплаці. Мы табе вырвем і зуб, што заўгодна. Але толькі за твой кошт, — заявіў Аляксандр Лукашэнка. — Працуйце на сваёй зямлі. Галоднымі не былі і не будзем».
Чым цяпер займаюцца дзяўчаты, якіх летась назвалі самымі прыгожымі ў Беларусі?9
Чым цяпер займаюцца дзяўчаты, якіх летась назвалі самымі прыгожымі ў Беларусі?
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2121
Каментары