У Судане паўстанцы збілі самалёт з беларускім вайсковым лётчыкам. Вось што пра яго вядома

У Судане працягваецца грамадзянская вайна. Канфлікт ідзе паміж урадавымі войскамі і Сіламі хуткага рэагавання (СХР) — магутным вайсковым фармаваннем, якое калісьці ўваходзіла ў склад арміі, але пасля стала самастойнай сілай. Да нядаўняга часу Сілы хуткага рэагавання падтрымлівала Расія, у тым ліку ПВК «Вагнер».

Днямі паўстанцы збілі расійскі транспартны самалёт, які перавозіў нешта на патрэбы ўрада Судана. Экіпаж загінуў — гэта трое расіян і адзін беларус, Аляксандр Гразноў.

Гразнову 62 гады. З 1980 па 1985 гады ён вучыўся ў Іркуцкім вайсковым авіяцыйна-тэхнічным вучылішчы. Быў вайскоўцам.

У Гразнова двое дарослых дзяцей — дачка і сын.

Доўгі час Гразноў працаваў у расійскай транспартнай фірме «Авіякон Цытатранс» (Aviacon Zitotrans). Яны перавозяць грузы па ўсім свеце — раней працавалі і ў Еўрасаюзе.

Павялічыць

Сярод адметных грамадзянскіх грузаў, якія яны перавозілі, — генератары вагой больш за 40 тон, сланы і верталёты. Супрацоўнічалі яны і з ААН, перавозячы грузы ў зоны ваенных канфліктаў і стыхійных бедстваў.

Але ў дзейнасці кампаніі ёсць і другі бок. «Авіякон» мае ліцэнзію на транспарціроўку ядзерных матэрыялаў і радыеактыўных рэчываў, а таксама рэкамендавана Мінтрансам Расіі для перавозкі вайсковай прадукцыі. Са студзеня 2023 года кампанія пад санкцыямі ЗША за перавозку абсталявання для ПВК «Вагнер» і расійскай арміі. Кампанія спрабуе абыходзіць санкцыі, выкарыстоўваючы фірмы-пракладкі ў розных краінах.

Краіны, у якіх працуе кампанія, — сяброўскія рэжыму Пуціна. Напрыклад, месяц таму самалёт кампаніі прывёз з Расіі нейкі груз у Венесуэлу акурат падчас абвастрэння адносінаў з ЗША.

Напрыклад, подпіс да аднаго з фота Гразнова: «Дэмакратычная дапамога для выбараў у Конга, верасень 2011». На гэтых выбарах перамог дзеючы прэзідэнт Жозэф Кабіла, а назіральнікі і апазіцыя заявілі пра велізарныя фальсіфікацыі.

Павялічыць

Беларускі лётчык працаваў у кампаніі мінімум з 2011 года. Зарплата ў яго добрая — так, у 2017‑м ён атрымліваў да $12 тысяч на месяц.

За апошнія 10 гадоў Гразноў лётаў грамадзянскімі авіялініямі не менш за 81 раз. Кірункі — Кітай (21 пералёт), Балгарыя (13 пералётаў), ААЭ (7 пералётаў), Індыя (5 пералётаў), Бахрэйн (5 пералётаў), Беларусь (4 пералёты), Іран (4 пералёты), Егіпет (4 пералёты), Туркменістан (3 пералёты), Сербія (3 пералёты), Ірак (3 пералёты), Каба-Вердэ (3 пералёты), Уганда (2 пералёты), Нарвегія (2 пералёты), Харватыя (2 пералёты), Азербайджан (2 пералёты), Турцыя (2 пералёты), М'янма (2 пералёты), а таксама па адным пералёце ў Кыргызстан, Ісландыю, Эстонію, Малдову, Саудаўскую Аравію, Катар і Пакістан.

Падарожжы былі хобі лётчыка. У сацсетках Гразноў выкладаў здымкі з розных краін, у тым ліку і з Еўрасаюза. На некаторых фота ён з сям'ёй.

Павялічыць

• 14
• 2
• 3
• 3
• 2
• 1
• 1
• 1