7 лістапада ўвечары ў паўднёвым бразільскім штаце Парана прайшоў магутны тарнада. Паводле звестак мясцовых уладаў, загінулі як мінімум пяць чалавек, больш за 130 чалавек атрымалі раненні, некалькі з іх у цяжкім стане ў бальніцы, паведамляе CNN Brazil.
Метэаролагі тлумачаць з’яву актывізацыяй небяспечнай воблачнай сістэмы, вядомай як «суперсель». У некаторых рэгіёнах хуткасць ветру дасягала 250 км/г, што адпавядае ўзроўню F2—F3 паводле шкалы Фудзіты.
Моцныя вятры пашкодзілі сотні жылых дамоў, школы, крамы і элементы інфраструктуры. У многіх раёнах спыненае электразабеспячэнне, перакрытыя дарогі і парушаны рух транспарту.
Дзяржаўныя чыноўнікі ў інтэрв'ю мясцоваму тэлебачанню адзначылі, што пашкоджанні ёсць прыкладна на 80% тэрыторыі горада Рыа-Баніта-ду-Ігуасу з насельніцтвам 14 тысяч чалавек.
Ратавальныя службы і вайскоўцы працягваюць разбор завалаў і эвакуацыю людзей у бяспечныя месцы. Улады стварылі камісію для ацэнкі шкоды і вызначэння выдаткаў на аднаўленне рэгіёну.
Метэаролагі цяпер аналізуюць прычыны і наступствы тарнада, каб распрацаваць захады ў прадухіленні падобных стыхійных бедстваў у будучыні.
Цяпер чытаюць
Фізік з Акадэміі навук пераехаў на працу ў Польшчу. Падчас візіту ў Беларусь яго арыштавалі за палітыку і кінулі ў калонію7
Каментары