Марына Ментусава назвала свой топ-5 самых сэксуальных беларускіх мужчын
Самы сумленны, самы вывераны і выпакутаваны спіс, складзены жаночым чатам.
Адной з тэм для абмеркавання ў чарговым выпуску «Обычного вечера» стала навіна аб тым, што часопіс People назваў самага сэксуальнага мужчыну 2025 года. Ім стаў англійскі акцёр Джонатан Бэйлі.
Па словах Марыны Ментусавай, гэта інфармацыя выклікала ў яе жаданне высветліць, хто з'яўляецца сэкс-сімвалам Беларусі. У пошуках адказу яны звярталася да Google, давала заданне ChatGPT, пыталася ў сваіх падпісчыкаў. Аднак адказы ёй не спадабаліся.
«У выніку давялося ісці да крыніцы сусветнай мудрасці — да жаночага чату. Вось ёсць чат GPT, а ёсць жаночы чат. Вось яны ўсё дакладна ведаюць, там дакладна без промахаў», —
расказала Марына і ўдакладніла, што рэйтынг не яе асабісты, а вынік калектыўнага абмеркавання:
«Гэта калектыўны [рэйтынг]. Гэта сяброўскі чат, мае падпісчыцы, падпісчыкі, тыя, каго я папрасіла, плюс тыя рэдакцыі, якія ўжо намінавалі розных беларусаў у такія рэйтынгі: самыя сэксуальныя і самыя зайздросныя жаніхі. Мы іх узялі ў самыя сэксуальныя», — патлумачыла Марына.
Па яе словах, з рэйтынгу па меркаванню бяспекі былі выключаны беларусы ўнутры Беларусі.
На пятым месцы — Лёва Бі-2.
«Рок-музыканты заўсёды падабаліся дзяўчатам. Прычым дзяўчатам рознага ўзросту. Лёва вось такі, небяспечны», — патлумачыла выбар Ментусава.
Чацвёртае месца было аддадзена журналісту і вядоўцу Сяргею Дарафееву.
Па словах Марыны, Дарафееў знаходзіцца ў яе асабістым спісе самых сэксуальных мужчын «вельмі доўгі час, да таго, як я магла прамаўляць слова «сэксуальны» (…) заканадаўча дазволеным чынам».
«Не псуецца гэта віно, усё лепш і лепш з гадамі. (…) Вельмі прыгожы», — дадала Ментусава.
Трэцяе месца заняў Аляксандр Васілевіч.
«Ён быў у рэйтынгу, які «Наша Ніва» стварала. Васілевіч у цэлым у рэйтынгах ва ўсіх, якія я бачыла па сэкс-сімвалах у Беларусі. Ну, справядліва», — пракаментавала Марына.
Айцішнік і сузаснавальнік MSQRD (стартап, які быў выкуплены Фэйсбукам) Яўген Неўгень заняў другое месца:
«Ён і малады, прадпрымальны, і мала гаворыць. Прынамсі, публічна. Жанчынам падабаецца».
На вяршыні рэйтынгу апынуўся рэстаратар Аляксей Садавы.
«Ён заўсёды ва ўсіх рэйтынгах. Ён і прыгожы малады чалавек і, відавочна, сэксуальны, калі мы можам такімі катэгорыямі тут раскідвацца. Быў у рэйтынгу «Нашай Нівы» самых сэксуальных беларусаў, быў у рэйтынгу самых зайздросных жаніхоў. Яго намінавалі мае падпісчыцы, за яго галасавалі дзяўчаты ў маім чаце».
Цяпер чытаюць
Ад рэкету да продажу фота магіл. Як выглядае знутры групоўка Project X, якая вярбуе людзей для перавозкі мігрантаў з Беларусі ў ЕС8
Каментары