Хірурга з Беларусі ў Расіі пасадзілі за халатнасць. А з турмы яна пайшла на вайну супраць Украіны
Мінчанка Кацярына Ланская даўно працавала ў Маскве. Яе кар'ера скончылася пасля аперацыі Іне Барадзе, жонцы прэзідэнта Федэрацыі яўрэйскіх грамад Расіі.
Пластычны хірург Кацярына Ланская была асуджаная за няўдалую аперацыю жонцы прэзідэнта Федэрацыі яўрэйскіх грамад Расіі Іне Барадзе. Цяпер Ланская працуе медыкам у зоне так званай СВА. Па словах адваката жанчыны, кантракт з Мінабароны РФ прадугледжвае поўнае вызваленне ад пакарання.
У кастрычніку 2023 года Кацярына Ланская, якая працавала ў адной з маскоўскіх клінік, зрабіла Іне Барадзе аперацыю па блефарапластыцы (пластыка павекаў). У Барады пасля гэтага пачаліся праблемы са зрокам. Пасля лячэння ў Італіі яна бачыць цяпер толькі адным вокам, і толькі на 30%.
Ланскую судзілі. Следства палічыла, што яна неналежным чынам правяла дыягностыку і не высветліла, якія прэпараты прымае пацыентка.
У канцы чэрвеня Ланскую прысудзілі да 11 месяцаў калоніі-пасялення з забаронай займацца пластычнай хірургіяй на два з паловай гады.
Цяпер Кацярына Ланская абвясціла, што падпісала кантракт з Міністэрствам абароны і паехала на вайну.
Адвакат хірурга, Крысціна Высоцкая, удакладніла, што кантракт з Мінабароны РФ прадугледжвае поўнае вызваленне ад пакарання.
Сама Ланская дадала: «Але я ўпэўнена, што ў такі цяжкі перыяд жыцця нашай краіны кожны доктар, калі б апынуўся на маім месцы, зрабіў бы дакладна гэтак жа».
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу5
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1818
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх18
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары