Міністэрства працы і сацыяльнай абароны ўстанавіла новую рэспубліканскую тыражную латарэю «Міласэрнасць». Адпаведная пастанова ведамства апублікавана на Нацыянальным прававым інтэрнэт-партале, піша БелТА.
Мэтай правядзення латарэі з’яўляецца атрыманне дадатковых грашовых сродкаў на набыццё трэнажораў, вырабаў медыцынскага прызначэння і медыцынскага абсталявання для дзіцячых сацыяльных пансіянатаў, дзяржаўнай установы «Рэспубліканскі рэабілітацыйны цэнтр для дзяцей-інвалідаў», а таксама на набыццё абсталявання для правядзення вучэбна-выхаваўчай і карэкцыйна-развіваючай работы з дзецьмі-інвалідамі ў дзіцячых сацыяльных пансіянатах, дзяржаўнай установе «Рэспубліканскі рэабілітацыйны цэнтр для дзяцей-інвалідаў».
Арганізацыя і правядзенне ажыццяўляюцца за кошт уласных сродкаў арганізатара або сродкаў, атрыманыя арганізатарам па займе. Латарэя праводзіцца на ўсёй тэрыторыі краіны.
Розыгрышы прызавога фонду тыражоў латарэі праводзяцца не радзей двух разоў у год. Тэрмін правядзення складае пяць гадоў з даты яе рэгістрацыі (перарэгістрацыі) ў дзяржаўным рэестры латарэй.
Кошт латарэйнага білета, памеры грашовых выйгрышаў і кошт маёмасных выйгрышаў вызначаюцца ў беларускіх рублях.
Цяпер чытаюць
«Калі мне прыляціць, я гатовая». Наста Рагатко — пра сэкс-сцэну ў сваёй кнізе, прарасійскіх сваякоў, Гаюн і Матольку53
Каментары