У Літве затрымалі яшчэ трох чалавек, звязаных з кантрабандай з дапамогай паветраных шароў з Беларусі
Раней у лістападзе за кантрабанду затрымалі яшчэ пяцёх.
Супрацоўнікі літоўскай Службы аховы дзяржаўнай мяжы затрымалі ў розных месцах Салечніцкага раёна яшчэ трох чалавек, падазраваных у дачыненні да кантрабанды тавараў, якія дастаўляліся з Беларусі на паветраных шарах, паведамляе LRT.
«У дамах трох асоб былі праведзеныя ператрусы, яны затрыманыя і ўзятыя пад варту. У пятніцу пракурор хадайнічаў перад судом аб абранні ў дачыненні да гэтых асоб самай строгай меры стрымання — затрымання тэрмінам на 1 месяц», — гаворыцца ў заяве памежнай прэс-службы.
У дакуменце падкрэсліваецца, што гэтае затрыманне — працяг аперацыі Службы аховы дзяржаўнай мяжы, праведзенай у пачатку лістапада. Тады ў Варанскім раёне памежнікі затрымалі аўтамабілі Audi A6 і Škoda Octavia, якія перавозілі беларускія цыгарэты. Былі затрыманыя пяць чалавек. Мяркуецца, што ўсе яны дзейнічалі ў складзе арганізаванай групы.
Па факце незаконнай рэалізацыі акцызных тавараў і кантрабанды вядзецца дасудовае расследаванне, якім кіруе Каўнаская акруговая пракуратура. Гэтая злачынная дзейнасць цягне за сабой штраф або пазбаўленне волі тэрмінам да шасці гадоў.
У гэтым годзе памежнікі ў Літве затрымалі ўжо 107 чалавек, падазраваных у дачыненні да кантрабанды, якая ажыццяўляецца з Беларусі праз паветра. У мінулым годзе іх было 46.
Сёлета на склады літоўскіх памежнікаў трапіла больш за 1,3 мільёна пачкаў кантрабандных цыгарэт, якія дастаўляліся з Беларусі на беспілотніках і паветраных шарах. Усяго ў гэтым годзе супрацоўнікі Службы аховы дзяржаўнай мяжы ўжо затрымалі 4 мільёны пачкаў нелегальных цыгарэт.
У кастрычніку на тэрыторыю Літвы некалькі разоў заляталі метэаралагічныя зонды з кантрабандай з Беларусі. Іх палёты неаднаразова парушалі работу літоўскіх аэрапортаў.
У адказ на гэта Літва закрыла мяжу з Беларуссю да 30 лістапада.
-
ЗША прыгразілі Еўропе разбуральнымі мерамі ў адказ у выпадку абмежаванняў для Starlink пры размеркаванні частот
-
Пуцін хоча новай «Ялты» — падзелу свету на сферы ўплыву між Масквой, Вашынгтонам і Пекінам. Над галовамі Еўропы і Украіны
-
Z-блогерцы Таццяне Манцян далі 1,5 года калоніі. Яна заклікала да гвалту ў дачыненні да «сацыяльнай групы асоб «ахранота»
Цяпер чытаюць
Прылукі пад Мінскам на хвалі хайпу — беларусы масава паехалі туды па здымкі ў стылі «Прыцемак». Мясцовыя не ў захапленні5
Прылукі пад Мінскам на хвалі хайпу — беларусы масава паехалі туды па здымкі ў стылі «Прыцемак». Мясцовыя не ў захапленні
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў44
Каментары