Увечары 15 лістапада каля 18:00 на канале ў населеным пункце Станіславаў Першы адбылася трагедыя — дзве жанчыны паваліліся ў ваду. Адну з іх выратаваў беларускі рыбак.
Фота: чытач выдання Miejski Reporter
Чаму дзве жанчыны разам упалі ў ваду, невядома.
71‑гадовую жанчыну з ледзяной вады выцягнуў сведка — беларус, які побач рыбачыў.
Другую пацярпелую, 47‑гадовую жанчыну, вылавілі ратавальнікі. Яе стан быў вельмі цяжкім, ёй доўга рабілі рэанімацыйныя дзеянні на беразе.
71‑гадовая жанчына ж знаходзілася ў прытомнасці, але не магла гаварыць.
Абедзвюх пацярпелых даставілі ў шпіталі, 71‑гадовую — верталётам.
47‑гадовая жанчына памерла ў шпіталі. Стан 71‑гадовай жанчыны застаецца вельмі цяжкім.
Дакладныя прычыны і абставіны трагедыі высвятляюцца паліцыяй.
Каментары
Як што дрэннае, дык нацыянальнасць яшчэ ў загалоўку напішуць, а тут... Замест пашаны ціша.