Сярэдні гадавы заробак у ЕС вырас на 5,2%, лідзіруе Люксембург. Літва і Эстонія ў сярэдзіне спісу
Еўрастат апублікаваў статыстыку за 2024 год па сярэднім гадавым заробку ў краінах Еўрасаюза. Рост быў адзначаны паўсюль — ад Люксембурга, дзе атрымліваюць больш за ўсё, да Балгарыі, якая пакуль замыкае рэйтынг адстаючых, паведамляе «Еўраньюс».
Згодна з апошняй спраздачай Еўрастата, сярэдні гадавы заробак ў краінах Еўрапейскага саюза ў 2024 годзе вырас на 5,2%. Сярэдні паказчык па ЕС-27 склаў 39 808 еўра ў год, павялічыўшыся амаль на 2 000 еўра (у 2023 годзе ён складаў 37 840 еўра).
Лідарам па памеры заробкаў зноў стаў Люксембург са сярэднім паказчыкам 82 969 еўра ў год, за ім ідуць Данія з 71 565 еўра і Ірландыя з 61 051 еўра. У Бельгіі — 59 632, у Аўстрыі — 58 600, Германіі — 53 791.
Літва мае 29 184 еўра, яна на 14‑м месцы, абганяючы Кіпр. На 16‑м месцы — Эстонія з 26 546 еўра, затым ідуць Партугалія, Чэхія, Харватыя. Латвія займае 20‑ы радок з 20 262 еўра, Польшча — 21‑я з 21 246.
У самым нізе рэйтынгу размясціліся Балгарыя з 15 387 еўра ў год, Грэцыя з 17 954 і Венгрыя з 18 461 еўра.
Заробак у Беларусі за ўвесь 2024 год склаў 27 249 рублёў, што пры сярэднім курсе за 2024 год складае 7760 еўра.
26‑гадовага супрацоўніка элітнага падраздзялення мытні асудзілі на 16 гадоў па наборы палітартыкулаў. Сярод іх і «здрада дзяржаве»6
Каментары