У Полацку выставілі на продаж футбольны стадыён «Лакаматыў» са зніжкай 80%. Такая інфармацыя з’явілася на сайце «Віцебскаблмаёмасці», піша Office Life.
Прадаўцом выступае Полацкая спецыялізаваная ДЮСШ алімпійскага рэзерву № 2. Электронныя таргі прызначаныя на 21 лістапада і адбудуцца на пляцоўцы «БУТБ-Маёмасць».
Цяпер за аб’ект просяць 167 881 рубель — у пяць разоў менш, чым першапачаткова. Стадыён ужо неаднаразова спрабавалі прадаць, але пакупнікоў не знайшлося. Задатак складае 33 576 рублёў.
У апісанні адзначана, што стадыён пабудаваны ў 1957 годзе і займае 16 721 м². У яго ўваходзяць футбольнае поле, трыбуна, эстрада, 23 лаўкі, вароты, слуп з пражэктарамі і іншае абсталяванне. Пакупнік таксама атрымлівае права арэнды зямельнага ўчастка на 30 гадоў, але выкарыстанне тэрыторыі абмежаванае: стадыён знаходзіцца ў водаахоўнай зоне возера Валова, якая мае асаблівы прыродаахоўны статус.
Цяпер чытаюць
Сын міністра Кубракова стаў начальнікам Цэнтральнага РУУС Мінска. Маёр, але будзе кіраваць палкоўнікамі1
Сын міністра Кубракова стаў начальнікам Цэнтральнага РУУС Мінска. Маёр, але будзе кіраваць палкоўнікамі
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары