Грамадства77

Жонка Котава спадзяецца, што яе муж будзе ў спісе на абмен палітвязняў

Жонка Анатоля Котава, які знік пасля прылёту ў Турцыю тры месяцы таму, спадзяецца, што знайсці яго здолее спецыяльны пасланнік прэзідэнта ЗША па Беларусі Джон Коўл і што яе муж стане часткай «вялікай здзелкі», піша агенцтва Reuters.

Пакуль пасланнік Трампа Джон Коўл рыхтуецца да новага раўнда перамоваў з прэзідэнтам Беларусі Аляксандрам Лукашэнкам аб вызваленні палітычных зняволеных, Анастасія заявіла Reuters, што спадзяецца, што вызваленне яе мужа можа стаць часткай пагаднення.

Калі Котаў сапраўды затрыманы ў Беларусі, то, паводле Анастасіі, яна мае вялікія надзеі на амерыканскія перамовы з Лукашэнкам.

«І я вельмі хацела б, каб імя майго мужа было ўключана ў спісы на вызваленне, на абмен», — сказала яна агенцтву. 

45‑гадовы Анатоль Котаў прыляцеў у Стамбул з Варшавы ў чацвер, 21 жніўня. У наступныя гадзіны ён абмяняўся серыяй паведамленняў са сваёй жонкай Анастасіяй і паабяцаў паведаміць ёй, дзе будзе спыняцца. Ён так і не зрабіў гэтага. Потым перастаў ёй адказваць.

Пасля безвыніковых спроб знайсці яго прыхільнікі Котава заявілі, што баяцца, што ён мог трапіць у рукі КДБ або ФСБ РФ.

Котаў — былы высокапастаўлены спартыўны чыноўнік Беларусі, сышоў у адстаўку ў 2020 годзе ў знак пратэсту супраць фальсіфікацыі выбараў.

Каментары7

  • Хопіць паўтараць за недавучкамі
    19.11.2025
    Здзелкі вялікія і малыя ў наркакартэляў, а паміж дзяржавамі - міжнародныя дамовы.
    Нельга дабіцца правільных вынікаў без правільнай тэрміналогіі.
  • А ён дакладна палітвязень?
    19.11.2025
    А жонка не разглядае варыянт, што агент проста вярнуўся на радзіму?
  • Беларус
    19.11.2025
    Для пачатку трэба, каб было даведзена, што Котаў у іх руках у якасці палоннага. Чаго, наколькі я разумею, на гэты момант няма. То якое тады ўключэнне ў спісы?

Цяпер чытаюць

Выкладчыцы вакалу з Бабруйска далі 14 гадоў у Расіі за сэксуальны гвалт над дзяўчынкамі3

Выкладчыцы вакалу з Бабруйска далі 14 гадоў у Расіі за сэксуальны гвалт над дзяўчынкамі

Усе навіны →
Усе навіны

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка10

Мінскія ўлады ўжо абмяркоўваюць ідэю Лукашэнкі запусціць трамваі ў метро14

Людзі спяшаюцца перабрацца з Расіі ў Эстонію1

Выйдзе працяг «Адзін дома» з Макалеем Калкіным

Мінчане купілі пустуючую хату за 2300 рублёў і вяртаюць яе да жыцця5

Чаму ўсё новае цяпер выглядае крыху вінтажным1

У Мінску прадаюць чарэшні па касмічнай цане1

Вадзім Галыгін: Я крыху стаміўся ад гумару. Хочацца паспрабаваць нешта іншае8

У Мексіцы затрымалі аднаго з найбольш шуканых наркабаронаў — за інфармацыю пра яго абяцалі $5 млн

больш чытаных навін
больш лайканых навін

Выкладчыцы вакалу з Бабруйска далі 14 гадоў у Расіі за сэксуальны гвалт над дзяўчынкамі3

Выкладчыцы вакалу з Бабруйска далі 14 гадоў у Расіі за сэксуальны гвалт над дзяўчынкамі

Галоўнае
Усе навіны →

Заўвага:

 

 

 

 

Закрыць Паведаміць