Днём 21 лістапада ў аграгарадку Аўсянка Горацкага раёна загарэўся прыватны дом. Калі прыбылі ратавальнікі, дым ужо быў вельмі густым. У хаце знаходзіліся двое дзяцей, якіх з задымленага памяшкання выратаваў сусед, паведамляе МНС.
Суседзі патэлефанавалі ратавальнікам. Вядома, што ў хаце жыла шматдзетная сям’я. Сусед, які стаў сведкам здарэння, кінуўся ў хату і выратаваў дзяцей — двухгадовую дзяўчынку і трохгадовага хлопчыка. Медыкі агледзелі дзяцей і шпіталізавалі іх.
Выратаваў дзяцей мужчына па імені Сяргей Шындзікаў. На відэа МНС ён расказаў, што, выйшаўшы з хаты, убачыў дым і пачуў крыкі, што там засталіся двое дзяцей. Ён забег у дом, дзе праз дым амаль нічога не было відаць, пачуў піск з суседняга пакоя і знайшоў там дзяцей, пасля чаго выцягнуў іх на двор.
Пажар ліквідавалі, прычына ўзгарання высвятляецца.
Каментары