Стала вядома пра вызваленне палітзняволенай фатографкі з Гомеля
Праваабаронцы з «Гомельскай вясны» пацвердзілі вызваленне палітзняволенай гомельскай фатографкі Аляксандры Мельнічак, якая была затрыманая ў лютым 2024 года.
У маі 2024 года суддзя Дзмітрый Казлоў прызнаў Аляксандру Мельнічак вінаватай паводле ч. 1 арт. 130 і 342 Крымінальнага кодэкса Беларусі — за нібыта распальванне сацыяльнай варажнечы і ўдзел у дзеяннях, якія парушаюць грамадскі парадак. Праваабаронцы ў дакладнасці не ведалі прысуд, было вядома толькі, што яна атрымала пазбаўленне волі.
Летась у ліпені праваабарончая супольнасць прызнала Мельнічак палітычнай зняволенай, а ў жніўні яе ўключылі ў спіс асоб, датычных да экстрэмісцкай дзейнасці.
Па звестках праваабаронцаў і сведак, жанчына была вызваленая ў пачатку 2025 года, а першыя допісы ў сацыяльных сетках з’явіліся ў канцы сакавіка. Час, праведзены ў СІЗА і калоніі, паказвае, што суд прызначыў ёй 1,5 года зняволення і, хутчэй за ўсё, вызваленне адбылося па сканчэнні гэтага тэрміну.
Каментары