Запуск на сайце Белага дома старонкі са спісам медыярэсурсаў, якіх трампаўская адміністрацыя вінаваціць у фэйках, стаў чарговым крокам у эскалацыі працяглага супрацьстаяння прэзідэнта Дональда Трампа са СМІ.
Адміністрацыя прэзідэнта ЗША Дональда Трампа запусціла на сайце Белага дома новую старонку, прысвечаную медыярэсурсам, якіх абвінавачвае ў «распаўсюджванні фэйкаў» і скажэнні слоў і падзей з удзелам прэзідэнта ЗША.
Старонка мае жорсткі загаловак: «Уводзяць у зман. Прадузятыя. Выкрытыя» і складаецца з некалькіх частак, якія ранжыруюць СМІ паводле «праступкаў».
Асноўныя раздзелы старонкі
«Медыяпарушальнік тыдня». У гэтым раздзеле пералічаныя CBS News, The Boston Globe і The Independent.
«Зала ганьбы парушальнікаў». Гэта «зборнік хлуслівых і ўводзячых у зман матэрыялаў». Тут у форме табліцы прыводзяцца навінавыя нагоды, асвятленне якіх Белы дом лічыць «фэйкавым».
«Табліца лідараў». Сюды ўнесены выданні, якія, на думку адміністрацыі, найбольш сістэматычна ўводзяць у зман: The Washington Post, MSNBC, CBS News, CNN, The New York Times, Politico, The Wall Street Journal.
«Рэцыдывісты». Тут пералічаны выданні, якія сістэматычна з'яўляюцца ў спісах «парушальнікаў» адміністрацыі. Сярод іх — Axios, BBC, Associated Press, The Hill і іншыя.
Стварэнне такога спісу з'яўляецца беспрэцэдэнтным крокам з боку адміністрацыі ЗША ў яе пастаянным канфлікце з галоўнымі амерыканскімі медыя.
Цяпер чытаюць
Ці магчымы другі Чарнобыль? І што цяпер робяць людзі на той АЭС? Навукоўка адказвае на важныя пытанні7
Каментары
А то пакуль разбярэсся, што за смі, каму належыць, якую палітыку праводзіць рэдакцыя, марнуеш час.
А тут гатовы спісак фэйкамётаў. Дзякуй яшчэ раз.