Жывыя ёлкі ў гэтым годзе будуць каштаваць ад 7 рублёў за штуку. Пра гэта распавяла БелТА намеснік начальніка аддзела метадалогіі ўпраўлення арганізацыі гандлю і грамадскага харчавання МАРГ Кацярына Макуценя.
Паводле яе слоў, у гэтым годзе ў краіне адкрыецца каля 960 ёлачных кірмашоў. Яны пачнуць працаваць з сярэдзіны снежня.
«Цэны на жывыя елкі будуць залежаць ад вышыні дрэва і рэгіёна, складаючы ад 7 да 40 рублёў за штуку», — адзначыла Кацярына Макуценя.
Яна ўдакладніла, што кошт дрэў у кадцы будзе некалькі вышэй — ад 12 да 47 рублёў.
Калядныя вянкі і ёлачныя букеты можна будзе набыць за 8—9 рублёў.
Прадстаўнік ведамства таксама анансавала, што ў снежні — студзені МАРГ правядзе маніторынг крамаў. Будуць правяраць асартымент, захаванне заканадаўства, а таксама абгрунтаванасць цэн на запатрабаваныя ў святы тавары.
Каментары