«Пра гэта ніколі не заходзіла размова».
Пастаянны прадстаўнік Беларусі ў ААН Валянцін Рыбакоў пасля сустрэчы Лукашэнкі і спецпасланніка ЗША Джона Коўла заявіў на БТ, што ЗША ніколі не спрабавалі пасварыць Беларусь і Расію.
«Вельмі часта мне даводзілася адказваць на пытанне пра тое, ці спрабуюць амерыканцы нейкім чынам паўплываць на нас у нашых узаемаадносінах з Расіяй. Я магу вас запэўніць: пра гэта ніколі — я ўжо на многіх перамовах падобных быў — не заходзіла размова, ні разу ніякіх спроб нейкім чынам нас з Расіяй адно адному супрацьпаставіць, пасварыць і гэта далей.
Амерыканцы, цяперашняя адміністрацыя, сыходзяць з таго, што ў нас шчыльныя, абсалютна цёплыя, сяброўскія, роднасныя, саюзніцкія адносіны з Расійскай Федэрацыяй і ніякіх спроб умяшацца ў гэтыя ўзаемадачыненні ніколі не было», — сказаў Рыбакоў.
Цяпер чытаюць
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5959
Каментары