Аляксандра Здаравеннава з Рэчыцы за «здраду дзяржаве» асудзілі да 10 гадоў калоніі і буйнога штрафу
У Гродзенскім абласным судзе 15 снежня вынеслі прысуд 46‑гадоваму палітзняволенаму актывісту з Рэчыцы Аляксандру (Алесю) Здаравеннаву. Яго прызналі вінаватым паводле арт. 356 (здрада дзяржаве) і арт. 361‑4 Крымінальнага кодэкса (садзейнічанне экстрэмісцкай дзейнасці). У выніку яму прызначылі дзесяць гадоў калоніі і штраф 500 базавых (21 тысяча рублёў), піша «Вясна».
У 2020‑2021 гадах Алеся два разы прыцягвалі да адміністрацыйнай адказнасці за ўдзел у пратэстах і сцяг у двары прыватнага дома. Пасля 2021 года Алесь некалькі разоў выязджаў у Літву і Польшчу.
Актывіста затрымалі напрыканцы сакавіка на мяжы з Літвой. Спачатку ў яго знайшлі «экстрэмізм» у тэлефоне і асудзілі да адміністрацыйнага арышту паводле арт. 19.11 КаАП. Потым Алесь апынуўся ў СІЗА па абвінавачанні ў палітычна матываваным крымінальным артыкуле.
Праз некалькі дзён пасля гэтага ў Мінску быў затрыманы брат Алеся — Вадзім. Першапачаткова яму інкрымінавалі «абразу Лукашэнкі», яму далі два гады турмы.
Цяпер Алесь Здаравеннаў утрымліваецца ў гомельскім СІЗА № 3.
Цяпер чытаюць
Што кажуць Мацкевіч, Карпаў, Чарняўская і іншыя пра прэс-канферэнцыю Бабарыкі і Калеснікавай28
Што кажуць Мацкевіч, Карпаў, Чарняўская і іншыя пра прэс-канферэнцыю Бабарыкі і Калеснікавай
Бабарыка і Калеснікава пагаварылі з Інгай Ругінене і заклікалі Літву «далучыцца да дыпламатычных намаганняў ЗША» і «не прапусціць акно магчымасцей»2828
Каментары