У Баранавічах распачалі крымінальную справу супраць кіраўніцтва фірмы, якая нібыта займалася навучаннем таксістаў. Пра гэта паведаміла прэс-служба Міністэрства ўнутраных спраў.
Як высветлілі сілавікі, 56‑гадовы дырэктар ТАА і яго 48‑гадовая намесніца падманным спосабам атрымалі сертыфікат на права праводзіць падрыхтоўку і перападрыхтоўку кіроўцаў таксі. За чатыры месяцы яны выдалі больш за 2500 пасведчанняў аб заканчэнні курсаў, хоць напраўду навучанне не праводзілася — у арганізацыі нават не было выкладчыкаў.
Паведамляецца, што даход кампаніі з Баранавічаў перавысіў 500 тысяч рублёў. Крымінальная справа заведзеная паводле артыкула аб злоўжыванні ўладай і службовымі паўнамоцтвамі.
«Пра які саюз можна гаварыць?» Лукашэнка ў Астане раскрытыкаваў Расію за навязванне утыльзбораў15
Каментары