У Мастоўскім раёне шматдзетная маці набыла пад жыллё закінуты дзіцячы лагер
Шматдзетная маці набыла на аўкцыёне закінуты дзіцячы аздараўленчы летнік у Гродзенскай вобласці, каб пераехаць туды жыць разам са сваёй сям’ёй, піша Telegraf.news.
Гаворка ідзе пра спартыўна-аздараўленчы лагер «Алімпіец», узведзены яшчэ ў 1960‑я гады і размешчаны ў вёсцы Дашкаўцы Мастоўскага раёна, на беразе Нёмана.
Таргі выклікалі немалую зацікаўленасць, бо стартавая цана комплексу складала ўсяго 210 рублёў. У аўкцыёне ўдзельнічалі сем прэтэндэнтаў, а падчас двухгадзінных электронных таргоў кошт вырас амаль у 40 разоў — да 8300 рублёў.
У выніку пераможцай стала шматдзетная маці, якая плануе перавесці памяшканні летніка ў жылы фонд і абсталяваць там дом для сваёй сям’і. Умовы аўкцыёну гэта дазваляюць, як і вядзенне асабістай падсобнай гаспадаркі. Акрамя таго, жанчына атрымае ў доўгатэрміновую арэнду тэрмінам на 50 гадоў зямельны надзел плошчай 1,5 гектара.
Комплекс будынкаў агульнай плошчай каля 400 квадратных метраў знаходзіцца ў маляўнічым месцы — каля зліцця рэк Нёман, Зазулька і Ельня, побач таксама ёсць два возеры. Былы летнік размешчаны за 76 кіламетраў ад Гродна і прыкладна за 230 кіламетраў ад Мінска.
Цяпер чытаюць
Блогер Сярога з Расіі прыехаў на Зыбіцкую з каханай блогеркай Анечкай. Вынік: збіты ім беларус у коме, а Сярога на 5,5 года за кратамі26
Каментары