Гэта не прышэльцы. Не паднябесны рэйв. І не масавая галюцынацыя. Неба над «Мінск-Светам» час ад часу сапраўды пранізваюць з дзясятак лазерных прамянёў. Самых розных колераў.
Уся справа ў тым, што на галоўнай вежы Міжнароднага фінансавага цэнтра манціруюць і тэстуюць тую самую ўстаноўку, якая павінна «біць у неба на 10 кіламетраў», піша Onliner.by.
Упершыню пра тое, што на галоўным хмарачосе краіны з’явіцца магутнае лазернае абсталяванне, мы даведаліся ў ліпені гэтага года.
«Гэта вельмі магутная сістэма, якая дазволіць ствараць сапраўднае светлавое шоу. Вядома, прадстаўленні будуць адбывацца не кожны дзень, а ў значныя святы. Лазерную праекцыю будзе відаць з розных пунктаў Беларусі. Зразумела, што ўстаноўка і запуск такога абсталявання — гэта не самадзейнасць, яна ажыццяўляецца толькі з дазволу спецыяльных службаў, у тым ліку авіяцыйных», — тлумачыў дырэктар «Дана Астра» Петар Петраў.
І вось «лазерныя мячы» занялі свае месцы. А ў сацыяльных сетках пачалі з’яўляцца інтрыгуючыя ролікі. І калі адны аўтары адразу распазналі прычыну нябеснага ззяння, то іншыя ніяк не маглі зразумець, адкуль яно. Былі і тыя каментатары, хто адкрыта жартаваў: «Чувак, ты зняў першае відэа з НЛА ў добрай якасці».
«Гэта далёка не ўсе магчымасці сістэмы. Зараз ідзе працэс наладкі абсталявання. Будзе вельмі прыгожа», — распавёў апошнія навіны з «паднябесся» Петар Петраў і падзяліўся відэа, знятымі з даху Міжнароднага фінансавага цэнтра.
Лазерныя праекцыі — далёка не адзіная фішка пятага бізнес-квартала. Фасады вышынных будынкаў таксама будуць «жывымі»: дзякуючы спецыяльнай мультымедыйнай сістэме на іх будуць з’яўляцца розныя выявы, у тым ліку тыя, што будуць «пераплываць» з аднаго будынка на другі.
Цяпер чытаюць
Брат Колі Лукашэнкі будуе фармацэўтычны комплекс за $10 мільёнаў11
Брат Колі Лукашэнкі будуе фармацэўтычны комплекс за $10 мільёнаў
І пра рэальных бандытаў, і пра крыварукага Косцю-плітачніка, і пра сэкс у цягніку. Журналістка з Гомеля напісала кнігу — чытаць яе страшна і смешна1111
Каментары