Мільярдэр ахвяраваў $100 тысяч мужчыну, які абяззброіў стралка ў Сіднеі
Мігрант з Сірыі, які голымі рукамі спыніў стралка на пляжы Бондзі-Біч, стаў героем.
У выніку тэрарыстычнага нападу ў Сіднеі на пляжы Бондзі-Біч, падчас якога загінулі 15 чалавек, у СМІ з'явіліся звесткі пра чалавека, чыя мужнасць, відавочна, прадухіліла яшчэ большыя ахвяры.
43‑гадовы Ахмед аль Ахмед, уладальнік крамы садавіны і мігрант з Сірыі, кінуўся на аднаго з нападнікаў.
У часе страляніны, што адбылася падчас святкавання Ханукі, Ахмед аль Ахмед накінуўся на стралка і вырваў зброю з рук. Нападнік пасля гэтага быў вымушаны адступіць.
Ахмед атрымаў агнястрэльныя раненні рукі і знаходзіцца ў шпіталі пасля аперацыі.
Крама Ахмеда ў панядзелак была зачыненая, але пакупнікі і суседзі сабраліся каля яе, каб выказаць яму пашану.
Прэм'ер-міністр Аўстраліі Энтані Албаніз назваў Ахмеда сапраўдным героем, падкрэсліваючы, што яго мужнасць выратавала шмат жыццяў.
У падтрымку Ахмеда і яго сям'і была запушчана краўдфандынгавая кампанія GoFundMe, якая ўжо сабрала больш за $500 000. Сярод буйных донараў — амерыканскі мільярдэр Біл Экман, які ахвяраваў $100 000.
Цяпер чытаюць
Першага намесніка гендырэктара «Белвеста» пасадзілі на тры з паловай гады за палітыку5
Першага намесніка гендырэктара «Белвеста» пасадзілі на тры з паловай гады за палітыку
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца1616
Каментары
Гэты Ахмед - хрысціянін-мараніт, які збег як раз ад такіх салафітаў і ваххабітаў з Сірыі ў далёкую Аўстралію.
А бач, гэтыя людажэры ўжо паўсюль.
Гэта трэба быць расістам, каб думаць, што калі Ахмед - гэта іслам.
І трэба быць леваком, каб гэта праецыраваць на сваіх апанентаў.
НЕ ён хрысціянін, як раз якіх ісламісты на Блізкім Усходзе і Афрыцы забіваюць штодня. А вы іх падтрымліваеце ў гэтым.