Паштарка ў Бялыніцкім раёне выратавала жыццё вяскоўцу, ідучы па маршруце
У Бялыніцкім раёне пільнасць паштаркі выратавала жыццё 74‑гадоваму пенсіянеру. Мужчына з вёскі Асавец атрымаў цяжкае атручэнне чадным газам з-за няправільнага распальвання печы.
Інцыдэнт адбыўся 19 снежня. Раніцай пенсіянер запаліў печ і, меркавана, занадта рана закрыў заслонку, паведамляе Mogilevnews.by.
Гэта прывяло да назапашвання ў доме нябачнага і небяспечнага чаднага газу. Выратавальніцай стала паштарка, якая ішла па сваім маршруце. Заўважыўшы, што гаспадару дома вельмі кепска, яна неадкладна выклікала хуткую дапамогу.
Мужчыну тэрмінова шпіталізавалі.
Як адзначылі ў МНС, гэты выпадак — сур’ёзны напамін пра смяротную небяспеку чаднага газу. Ён не мае паху і колеру, а сімптомы атручэння (галаўны боль, удушша, слабасць) лёгка зблытаць са звычайным недамаганнем. Ратавальнікі заклікаюць жыхароў прыватных дамоў быць максімальна ўважлівымі пры эксплуатацыі пячнога і газавага абсталявання, забяспечваць добрую цягу і рэгулярна правяраць коміны.
Каментары