Адбылася масіраваная расійская атака. Пад ударам Кіеў, Жытомір, Роўна, Бурштын, Цярнопальшчына і Букавіна
Уночы 23 снежня Расія нанесла масаваны ўдар па Украіне. Сотні шахедаў яшчэ з 00:00 атакавалі практычна ўсе рэгіёны краіны, а бліжэй да ранку дасягнулі заходніх абласцей і ўдарылі па Жытоміры, Роўне, дабраліся да Цярнопальшчыны, Букавіны і Івана-Франкоўшчыны, піша Бі-бі-сі — Украіна.
Паводле звестак маніторынгавых каналаў, каля дзесяці стратэгічных бамбавікоў маглі ажыццявіць пускі крылатых ракет. Таксама адбыліся пускі крылатых ракет «Калібр» з мора.
Фіксуюцца ўдары па Роўне, Жытоміры атакуюць шахедамі некалькімі хвалямі.
Кіраўнік Чарнавіцкай вобласці паведамляў пра дроны над вобласцю; пад пагрозай знаходзілася Днястроўская ГЭС.
Пасля 6‑й гадзіны раніцы паветраную трывогу абвясцілі на Івана-Франкоўшчыне. Паводле маніторынгавых каналаў, шмат «шахедаў» ляцяць на Бурштын, дзе размешчаная важная ТЭЦ.
Агулам падчас гэтага ўдару чакаюць асаблівай увагі да энергетычнай інфраструктуры Адэскай вобласці і ўсяго паўднёвага рэгіёна. Сам горад Адэса некалькі дзён знаходзіўся ў поўным блэкаўце.
Амаль усю ноч «шахеды» абляталі Кіеў, але перад світанкам пачалі атакаваць і сталіцу Украіны. Там абвясцілі паветраную трывогу і пачала працаваць сістэма супрацьпаветранай абароны. Пераважна гэтай ноччу шахеды наносілі ўдары па навакольных гарадках каля Кіева.
Улады Сумскай вобласці ўжо паведамілі пра значныя разбурэнні інфраструктуры паблізу Шосткі і Канатопа; пачаліся праблемы з электразабеспячэннем.
Апошні раз Расія наносіла масаваны ўдар па ўсіх рэгіёнах Украіны 6 снежня, калі былі пашкоджаны аб’екты энергетыкі і ўведзены жорсткія графікі адключэння электраэнергіі.
-
Расія цяпер не трымае на тэрыторыі Беларусі вялікіх вайсковых сіл — Дзяржпагранслужба Украіны
-
«Рэактыўны шахед урэзаўся ў мой дом». Расіяне спрабавалі кропкавым ударам забіць дарадцу міністра абароны Украіны, спецыяліста па радыётэхналогіях
-
УСУ апублікавалі відэа знішчэння дэсантных караблёў у бухце Севастопаля
Цяпер чытаюць
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы71
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца1414
Каментары