Музей вольнай Беларусі апублікаваў відэа, якое запісаў Мікіта Мелказёраў, перадаючы свае кроксы ў экспазіцыю
Аддаючы жоўтыя кроксы, Мікіта Мелказёраў запісаў (як таго патрабуюць правілы) відэа для музея, у якім расказаў гісторыю экспаната. Гэты запіс, зроблены летам 2025 года, музей апублікаваў упершыню.
На відэа Мікіта расказаў, што набыў жоўтыя кроксы ў Мінску ў пачатку пандэміі, з імі пераехаў у эміграцыю, і з імі таксама распачаўся праект «Жыццё-маліна».
«Я не вельмі фанабэрысты, але гэта ў якасці жарту, бо мая жонка абяцала мяне забіць, калі я не вынесу з дому гэтыя кроксы. Я напісаў сюды і сказаў, што, у прынцыпе, іх было вельмі шмат у «Маліне».
«Маліна» — гэта значны праект. Я разумею, што гэта вельмі нясціпла гучыць, але гэта факт. Вельмі важны праект для беларускай дэмакратычнай прасторы. Таму вось магу аддаць гэтыя кроксы. Ну і таксама, усе пяць гадоў, што мы здымаем «Маліну», яны былі ў кадры. І Наста Роўда сказала калісьці падчас інтэрв'ю, маўляў, гэта легендарная пара абутку. Таму я спадзяюся, што гэта будзе нейкі больш-менш адметны экспанат у гэтым музеі. Ну і зрэшты, гэты музей перабярэцца ў Беларусь», — сказаў Мікіта.
Таксама ў музей у 2024 годзе быў перададзены футбольны кубак пасля вясенняга розыгрышу Лігі Бемоўскай, на якім Мікіта Мелказёраў атрымаў тытул найлепшага абаронцы.
Цяпер чытаюць
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2525
Каментары