Меркаванні2222

Лукашэнка пачынае ўсведамляць наступствы разбурэння сусветнага парадку

«Тое, што адбываецца вакол нас, не залежыць ад нас. Шаленства і яшчэ раз шаленства», — енчыў Аляксандр Лукашэнка 8 студзеня. Ці можа Лукашэнка, як кіраўніцтва Італіі ў 1943-м, а Румыніі — у 1944-м, змяніць бок канфлікту?

Уладзімір Пуцін і Аляксандр Лукашэнка, 1 жніўня 2025 года. Фота: Gavriil Grigorov Sputnik Kremlin Pool Photo via AP

Аляксандр Лукашэнка дапамог Расіі распачаць і весці самую крывавую вайну ХХІ стагоддзя. Тады ён не казаў, як сёння: «Тое, што адбываецца вакол нас, не залежыць ад нас». Наадварот, абгрунтоўваў абяцаннямі, што Кіеў будзе ўзяты за «тры-чатыры дні» і выдумкамі, што з Украіны «на Беларусь рыхтаваўся напад».

«Часам не да законаў» — абвясціў ён яшчэ ў 2020-м. Гэта яго палітычная філасофія.

Як і Пуцін, Лукашэнка, хутчэй за ўсё, думаў, што Захад па прыродзе сваёй няздольны дзейнічаць аналагічна.

Кіраўнік Беларусі здзекаваўся з заклікаў Байдэна і фон дэр Ляен захаваць «парадак, які грунтуецца на правілах». Ён з пенай ля рота даказваў, што правіл няма. Толькі цяпер ён усвядоміў, што яны такі былі — зменлівыя, але былі.

Калі абрынуўся рэжым Асада, прапаганда спісала гэта на яго ўласную маладушнасць, а не на прыкметы вычэрпвання рэсурсаў Расіі. Цяпер, калі Амерыка ў Каракасе паказала, як павінна выглядаць «спецыяльная ваенная аперацыя», стала ясна, што Расіі і Кітаю паказваюць на іх месца. У Мінску, як і ў Крамлі, заяўлялі пра стварэнне новага сусветнага парадку, але ў рэальнасці Масква і Пекін былі няздольныя ўплываць на падзеі нават у такіх важных для іх краінах, як Венесуэла.

Лукашэнка заенчыў пра «безабароннага чалавека». 

Лукашэнка называе сітуацыю «заблытанай і незразумелай», бо не разумее, як Захад зараз павядзе сябе з Расіяй, у татальную залежнасць ад якой Мінск сябе з уласнай волі загнаў.

Бо, сапраўды, мачыць Расію і Кітай ЗША «яшчэ і не пачыналі». Але пасля Венесуэлы, танкера і намеру выдаць на абарону ў 2027 годзе 1,5 трыльёна даляраў, стала ясна: а могуць жа і пачаць. Будуць гатовыя пачаць. Ці адказаць.

Лукашэнка пачаў усведамляць наступствы разбурэння сусветнага парадку, якім мы яго ведалі да 2022 года. Аднак пакуль няма прыкмет таго, што ён здольны саскочыць з расійскага танкера, на які з уласнай волі сеў, і які прэ ў тое ці іншае пекла.

Ці можа Лукашэнка, як кіраўніцтва Італіі ў 1943-м, а Румыніі — у 1944-м, змяніць бок канфлікту? Нічога на гэта не паказвае. «Тое, што адбываецца вакол нас, не залежыць ад нас» — гэтае прызнанне паказвае яго цяперашняе самаадчуванне. 

Каментары22

  • рэжым Лукашэнкі ніколі не быў хаўруснікам драпежнай імперыі
    08.01.2026
    "Ці можа Лукашэнка, як кіраўніцтва Італіі ў 1943-м, а Румыніі — у 1944-м, змяніць бок канфлікту?"
    Румынія, шмат разоў гэта рабіла, ў 1964 дэкларавала аўтаномію і прытрымлівалася яе , да каляпса Бальшавіцкай імперыі

    Шмат прыкладаў з гісторыі мы ведаем, пры гэтым рэжым Лукашэнкі ніколі не быў хаўруснікам драпежнай імперыі, а хутчэй закладнікам. Мы дужа розныя , мы Эўропа , яны крывавая афра- азія . Пра гэта нават іх К. Маркс пісаў
  • гы
    08.01.2026
    Чуйка у меня что конец 2026 или 2027 кардинально изменит режимы в рф и рб. Падеж скота будет :))
  • Алесь
    08.01.2026
    Как мутить, так «старший брат», а как последствия, то «шаленства».
    Вот задушил бы его своими руками тогда на яхте, отсрочил бы конец света.

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Падчас расійскага ўдару па Львове там была беларуская дэлегацыя5

«Людзі п'юць з балота». Лукашэнка абурыўся якасцю вады ў Смаргоні4

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты4

Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу13

З'явіўся новы спадарожнікавы здымак пашкоджанняў Керчанскага моста6

Цыганкоў: Рост аўтсайдарства мужчын, іх сыход у парнаграфію і анлайн-гульні — новая праблема чалавецтва66

«Шмат плацяжоў было ў Польшчы». Беларусы масава скардзяцца на блакаванне банкаўскіх картак9

На «Яндэкс Картах» з'явіліся маршруты па Мінску, дзе ёсць пад'ёмнікі і пандусы

Колькі зарабляюць кур'еры на аўто ў дастаўцы «Яндэкс» у Беларусі4

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць