8 студзеня ў чатырох абласцях Беларусі — Магілёўскай, Гомельскай, Брэсцкай і Мінскай, — і ў Мінску ўведзены план «Надвор'е» праз моцны снегапад, выкліканы цыклонам «Улі».
На дарогах дзяжураць дадатковыя патрулі ДАІ, якія суправаджаюць калоны снегаўборачнай тэхнікі. Аўтамабілістам настойліва рэкамендуецца адмовіцца ад паездак на асабістым транспарце і выкарыстоўваць грамадскі. Калі паездкі неабходныя, трэба быць асабліва ўважлівымі: не перашкаджаць тэхніцы, выконваць хуткасны рэжым, захоўваць дыстанцыю і бакавы інтэрвал, пазбягаць рэзкіх манеўраў і тармажэнняў.
Сілавікі таксама просяць не стаяць уздоўж праезнай часткі, каб не перашкаджаць працы снегаўборачнай тэхнікі, і не абганяць яе.
Калі ўсё ж неабходна ехаць на асабістым аўто на вялікую адлегласць, варта ўлічваць стан дарог, тэхніку, навыкі кіравання і заўсёды карыстацца рамянямі бяспекі.
Каментары