У Вялікабрытаніі археолагі знайшлі прамысловы цэнтр часоў Рымскай Імперыі
У Паўночнай Англіі археолагі разам са студэнтамі і валанцёрамі знайшлі больш за 800 вастрыльных камянёў, якія сведчаць пра існаванне раней невядомага прамысловага цэнтра эпохі Рымскай Імперыі, піша The Guardian.
Знаходку зрабілі каля горада Сандэрленд. Камяні павінны былі выкарыстоўвацца салдатамі для вастрэння інструментаў і зброі. Усе знойдзеныя брускі былі пашкоджаныя — ідэальныя камяні, магчыма, вывозілі на продаж.
Археолагі лічаць, што тут знаходзіўся масавы цэнтр вытворчасці вастрыльнага каменю з пясчаніка, здабытага на беразе ракі Вір. Камяні маглі транспартавацца па рацэ на суднах і далей распаўсюджвацца па Брытанскіх астравах і на кантынент. На карысць гэтай гіпотэзы сведчыць знаходка 11 каменных якараў — найбольшая колькасць у параўнанні з любой іншай стаянкай Паўночнай Еўропы.
Кіраўнік праекта з Дарэмскага ўніверсітэта Гэры Бенкхед адзначае, што адкрыццё ўпершыню ставіць Сандэрленд на карту Рымскай імперыі і з’яўляецца адным з самых важных археалагічных адкрыццяў у Паўночнай Англіі за апошнія сто гадоў.
Таксама гэтае месца — першае ў Вялікабрытаніі, дзе мэтанакіравана здабывалі пароду для вытворчасці вастрыльных камянёў, што дапаможа лепш зразумець эканоміку і прамысловасць Рымскай Брытаніі.
У Егіпце знайшлі антычнае судна, якое раней бачылі толькі на мазаіках
З Нацыянальнага музея ў Дамаску скралі статуі часоў Рымскай імперыі
Рыбак, які шукаў чарвякоў, выпадкова знайшоў адзін з найбуйнейшых срэбных скарбаў Сярэднявечча
У Егіпце пасля дваццаці гадоў будаўніцтва адкрылі найбуйнейшы музей свету
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку16
Каментары
Vialiki frahmient toj ściany zachavaŭsia dasiul, kala 3 mili. Vysata jaho ciapier niejdzie 1 mietar, i šyryni toj niama, a farty tyja bačny tolki padmurkami. Da taho miesca voziać naviedvalnikaŭ, i ja pabyvaŭ tam, jašče ŭ junačym uzroście...
Što cikava, ziemli tam daŭno fiermierskija, spadčynnyja, staryja, a ŭsie haspadarčyja pabudovy, i navat aharodžy, vykananyja z kamiania toj ściany...:))
To bok, tamtejšyja, ciaham doŭhaha času, prosta raściahali tuju ścianu pa kamienčyku, uładkoŭvajučy svaje sialiby dy aŭčarni...:))
Nu, dyk jakaja vysnova ? Zrazumieła ž, u rymski čas tam byŭ pramysłovy center, dzie i ciasali toje kamiennie, inakš jak by rymlianie pabudavali b tuju abarončuju ścianu ? A dzie rabili takuju spravu, tam i samyja roznyja pryłady pad jaje vyrabliali, niešta i vastryć patrabavalasia adpaviedna... Čamu heta siensacyja ? U čym adkryccio ? Čamu "yпершыню ставіць Сандэрленд на карту Рымскай імперыі" ? Čamu niekaha dzivić toj fakt, što tam "мэтанакіравана здабывалі пароду для вытворчасці вастрыльных камянёў" ?