Грамадства2222

Вячорка патлумачыў, як складаюцца спісы гасцей на прыём да прэзідэнта Польшчы

Дарадца Ціханоўскай адказаў на прэтэнзіі наконт запрошаных на святочнае мерапрыемства.

Фота: LookByMedia

Апошнія гады прадстаўнікоў беларускай дыяспары штогод запрашаюць на святочны калядны прыём у прэзідэнцкі палац у Варшаве. Гэтым разам у фэйсбуку разгарэлася дыскусія з нагоды таго, што некаторыя не трапілі ў спісы запрошаных. Усё таму, лічаць тыя, каго не паклікалі на прыём, што яны нелаяльныя Офісу Ціханоўскай і таму іх выкраслілі са спісаў.

Дарадца Ціханоўскай Франак Вячорка вырашыў адказаць на прэтэнзіі.

Вячорка ў фэйсбуку тлумачыць, што калядны прыём у Вільні арганізуе Офіс Ціханоўскай, а ў Варшаве — прэзідэнцкі палац.

«Ідэя калядных прыёмаў у прэзідэнта Польшчы з’явілася напрыканцы 2021 года, калі прэзідэнт Анджэй Дуда прапанаваў Святлане Ціханоўскай правесці супольнае мерапрыемства для беларусаў у Польшчы — так і была закладзена гэтая традыцыя. Увосень 2025 года Святлана Ціханоўская прапанавала новаму прэзідэнту Польшчы Каралю Наўроцкаму традыцыю працягнуць», — піша Вячорка.

Ён звяртае ўвагу, што ў розныя гады на прыёмах былі ў тым ліку Зянон Пазняк, Наталля Радзіна, Павел Усаў, якія займаюць адрозную ад Ціханоўскай пазіцыю.

«Падрыхтоўкай прыёмаў і мастацкай часткі з беларускага боку традыцыйна займаецца прадстаўніцтва па нацыянальным адраджэнні Аб’яднанага пераходнага кабінета — цяпер гэта Ірэна Кацяловіч і Павел Баркоўскі. Спісы гасцей фармуюцца супольна польскім і беларускім бокам.

Няпростая задача беларускага боку — зрабіць спіс інклюзіўным, захаваць баланс і прадстаўніцтва, не пакрыўдзіць нікога і разам з тым даць магчымасць трапіць на прыём новым людзям.

Так, летась былі запрошаныя спартоўцы, сёлета — нядаўна вызваленыя палітвязні».

«Калі паглядзець на склад удзельнікаў па фотаздымках, то гаварыць пра нейкі фаварытызм не выпадае: на прыёме можна ўбачыць побач людзей, якія ў публічнай прасторы адкрыта канфліктуюць паміж сабой», — лічыць дарадца Ціханоўскай.

Ён дадае, што канчатковае рашэнне па спісе ўдзельнікаў застаецца за польскім бокам.

«Прапановы з беларускага боку далёка не заўсёды прымаюцца. У мінулыя гады мы, напрыклад, спрабавалі запрасіць некаторых прадстаўнікоў Офіса, але атрымлівалі адмову».

«Акрамя таго, пасля ўзгаднення спісаў усімі інстытуцыямі адбываецца праверка польскімі службамі бяспекі, што таксама скарачае колькасць запрошаных», — дадаў Вячорка.

«Давайце не сварыцца, а працаваць над тым, каб такіх мерапрыемстваў станавілася больш і каб у будучыні хапала месцаў усім», — піша ён. І адзначае, што варта быць удзячнымі Польшчы за тое, што яна прымае беларусаў і штогод робіць такое сімвалічнае свята.

Каментары22

  • Кнур
    11.01.2026
    [Рэд. выдалена]
  • Пші
    11.01.2026
    Дурныя людзішкі не разумеюць, ім вумныя ўсё растлумачыць.
    Больш за трыццаць гадоў як ім тлумачыш, а яны дагэтуль не разумнелі.
  • Беларус
    11.01.2026
    Спадзяюся, Вячоркі на прыёме ў гэты раз не будзе.

Цяпер чытаюць

У Вільні пакажуць раструшчаны сілавікамі бюст Івана Луцкевіча. Да 120‑годдзя «НН» Беларускі музей адкрывае выставу з унікальнымі экспанатамі

У Вільні пакажуць раструшчаны сілавікамі бюст Івана Луцкевіча. Да 120‑годдзя «НН» Беларускі музей адкрывае выставу з унікальнымі экспанатамі

Усе навіны →
Усе навіны

Вадзім Галыгін: Я крыху стаміўся ад гумару. Хочацца паспрабаваць нешта іншае7

У Мексіцы затрымалі аднаго з найбольш шуканых наркабаронаў — за інфармацыю пра яго абяцалі $5 млн

Міністр абароны Вялікабрытаніі: Пуцін халоднакроўны забойца4

Павел Белавус расказаў, як за кратамі даведаўся пра Нобелеўскую прэмію Бяляцкага

На фронце знайшлі загінулым 25‑гадовага беларуса з пазыўным «Дэкан»6

Расія рэкорднымі тэмпамі прадае золата, а Польшча за апошнія гады купіла яго найбольш за ўсіх у Еўропе10

Заснавальнік партала Realt.by прадае дом за $3 мільёны9

Як выглядае элітны клубны квартал нулявых у Мінску2

Памятаеце бяздомнага блогера, які пасля пратэстаў перабраўся ў Польшчу? Цяпер ён жыве на Лазурным беразе29

больш чытаных навін
больш лайканых навін

У Вільні пакажуць раструшчаны сілавікамі бюст Івана Луцкевіча. Да 120‑годдзя «НН» Беларускі музей адкрывае выставу з унікальнымі экспанатамі

У Вільні пакажуць раструшчаны сілавікамі бюст Івана Луцкевіча. Да 120‑годдзя «НН» Беларускі музей адкрывае выставу з унікальнымі экспанатамі

Галоўнае
Усе навіны →

Заўвага:

 

 

 

 

Закрыць Паведаміць