У 1999‑м пад Мінскам забілі 19‑гадовую дзяўчыну. Злачынцу знайшлі праз 26 гадоў
У 1999 годзе паблізу вёскі Ваўковічы было знойдзена цела 19‑гадовай мінчанкі. Яна была згвалтаваная і забітая.
Вечарам 3 ліпеня на беразе ракі Пціч у Мінскім раёне быў знойдзены труп дзяўчыны са слядамі ўдушэння і згвалтавання. Забітай аказалася 19‑гадовая мінчанка. Тады ўстанавіць злачынцу не ўдалося. Разглядаўся шэраг версій, адпрацоўваўся блізкі круг зносін дзяўчыны, піша СК.
У 2025 годзе была атрымана інфармацыя аб кампаніі з трох чалавек, якая ў 1999 годзе адпачывала на беразе ракі і ўжывала алкаголь. Фігурантаў пачалі адпрацоўваць на датычнасць. На момант атрымання інфармацыі адзін з іх памёр. Яшчэ двое расказалі, што пазнаёміліся з дзяўчынай і адпачывалі каля берага.
— У нейкі момант адзін з фігурантаў спрабаваў аказваць знакі ўвагі дзяўчыне, пасля стаў настойваць, згвалтаваў і забіў, — расказаў на прэс-канферэнцыі намеснік начальніка УУС Мінскага аблвыканкама, начальнік крымінальнай міліцыі Сяргей Якубель.
Следчыя ўстанавілі, што забойства здзейсніў адзін чалавек. Двое з кампаніі казалі, што злачынства здзейсніў іх памерлы таварыш. Пасля, як аказалася, яго цела было крэміравана сваякамі. Пасля правядзення эксгумацыі быў выдзелены генатып злачынцы, і па выніках даследавання высветлілася, што сляды, якія былі пакінуты на вопратцы ахвяры, сапраўды належалі памерламу. Двум іншым фігурантам было выстаўлена абвінавачванне аб утойванні злачынства.
-
«Аб гэты трамплін можна забівацца кожны дзень». Вядомы трэнер загінуў на велатрэніроўцы праз нечаканую перашкоду
-
Гамяльчук атрымаў нажавое раненне ў жывот, але яшчэ суткі піў з крыўдзіцелем і толькі потым пайшоў да доктара
-
На трасе Магілёў — Бабруйск легкавік сутыкнуўся з грузавіком. За рулём быў 14‑гадовы падлетак
Цяпер чытаюць
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе1010
Каментары
Што па забойству у 90-я Михаила Басько, які жыў па адрасу г. Мінск, пр-т Пушкіна, кв. 46?