Адносіны высвятлялі заўзятары футбольных клубаў «Слуцкцукар» і «Маладзечна».
У сераду, 19 мая, у Слуцку ў раёне гарадскога парку і дзіцячай мастацкай школы адбылася масавая бойка. Па словах відавочцаў, верагодна, мела месца сутыкненне балельшчыкаў футбольных каманд «Слуцкцукар» і «Маладзечна». У момант, калі адбылася бойка, ішоў першы тайм матча паміж гэтымі камандамі (прыкладна ў 18.35). У бойцы, якая доўжылася пару хвілін, з абодвух бакоў удзельнічалі больш за сотню маладых людзей.
Бойка магла мець цяжкія наступствы, аднак гэтаму перашкодзілі аператыўныя і зладжаныя дзеянні супрацоўнікаў Слуцкай міліцыі.
Пасля здарэння міліцыя ва ўзмоцненым рэжыме патрулявала вуліцы горада, каб прадухіліць новыя сутыкненні.
Відавочцамі здарэння сталі больш двух дзесяткаў выпадковых мінакоў.
Цяпер чытаюць
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»3
Каментары