Ён зламаў шыйку сцягна.
Днямі ў Рэспубліканскі навукова‑практычны цэнтр траўматалогіі і артапедыі быў шпіталізаваны арцыбіскуп Мітрапаліт Мінска‑Магілёўскі на пенсіі, Апостальскi Адмiнiстратар Пінскай дыяцэзіі кардынал Казімір Свёнтэк.
Старэйшы на Беларусі каталіцкі святар зламаў шыйку сцягна. Улічваючы ўзрост пацыента, а таксама тып пералома, медыкі вырашылі не ставіць Казіміру Свёнтэку пратэз, а зрабіць менш траўматычную аперацыю — устанавіць металаканструкцыю.
Зараз Казімір Свёнтэк знаходзіцца ў рэанімацыйным аддзяленні РНПЦ, для яго абсталяваны асобны блок. Кардынала рыхтуюць да аперацыі.
Трэба адзначыць, што Казімір Свёнтэк не толькі найстарэйшы на Беларусі каталіцкі святар. На сённяшні дзень найстарэйшымі кардыналамі ў свеце з’яўляюцца італьянец Эрзільё Таніні і беларускі іерарх Казімір Свёнтэк. Ім па 95 гадоў.
Кардынал Свёнтэк, народжаны ў Эстоніі ў польскай сям'і, пераехаў на тэрыторыю Беларусі маладым. У сталінскія часы яго асудзілі да смерці, аднак з камеры смяротнікаў Берасцейскай турмы ён выйшаў, бо Германія напала на Савецкі Саюз. Пасля вайны ён усё ж адседзеў 10 гадоў у лагерах.
Кардынал узначаліў адраджэнне касцёла ў Беларусі пасля падзення Савецкага Саюза і ўсім сэрцам падтрымаў курс на яго беларусізацыю.
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»32
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць1010
Каментары