У Жлобінскім раёне чалавек загінуў, паслізнуўшыся ў лесе і напароўшыся на галінку
У Жлобінскім раёне ў канцы жніўня адбылася трагедыя падчас паходу за грыбамі. Двое братоў пайшлі ў лес і ў пэўны момант раздзяліліся. Неўзабаве адзін з іх пачуў крык, пабег на яго і ўбачыў брата, які ляжаў на траве з глыбокай ранай на шыі. Нягледзячы на спробы аказаць дапамогу, мужчына памёр да прыезду медыкаў, піша «Гомельская праўда».
Спачатку дактары хуткай дапамогі не выключалі магчымасць крыміналу — рана на ніжняй частцы шыі нагадвала ўдар нажом. Аднак эксперты Жлобінскага міжраённага аддзела Дзяржаўнага камітэта судовых экспертыз прыйшлі да высновы, што гэта ўсё ж быў няшчасны выпадак.
Агляд месца здарэння паказаў, што зямля была пакрытая рассыпаным пластом лісця. Побач тырчаў абломак сухога дрэва з бурымі слядамі. З раны загінулага былі выцягнуты дробныя часткі драўніны, якія ідэальна супадалі з галінкай у лесе.
Таксама высветлілася, што мужчына быў п’яны, што, верагодна, прывяло да нядбайнасці і страты ім раўнавагі.
У выніку Следчы камітэт афіцыйна прызнаў смерць грыбніка няшчасным выпадкам: чалавек проста спатыкнуўся, упаў і трапіў на вострую галінку.
Міністр культуры выцягнуў у эфір чарговага Астапа Бэндара. І гэта стала апошняй кропляй: супраць гэтага фермера-хвалька выступіла сям’я5
Каментары